საპარლამენტო უმრავლესობა - თუ ბესელიას ფარული კადრებით მანიპულირების შესახებ ინფორმაცია აქვს, გამოძიებას უნდა მიაწოდოს

2019-09-24 11:44:51, 4823 ნახვა

კომენტარი

საპარლამენტო უმრავლესობა ყოფილი თანაგუნდელის ეკა ბესელიას განცხადებას ეხმაურება, რომლის თანახმადაც მას აქვს ინფორმაცია პირადი ცხოვრების ამსახველი ფარული კადრების გამოყენებით გარკვეულ ადამიანებზე ზეწოლის მოხდენის თაობაზე.

როგორც ადამიანის უფლებათა დაცვის კომიტეტის თავმჯდომარემ სოფო კილაძემ აღნიშნა, ბესელია ვალდებულია მის ხელთ არსებული ინფორმაცია გამოძიებას მიაწოდოს.

"თუ მას ასეთი ინფორმაცია აქვს, მაშინ ეს არის დანაშაულის შესახებ ინფორმაცია და მისი არ გამჟღავნებით თვითონ ხდება დამნაშავე. თუ არ აქვს და ისე საუბრობს, პოლიტიკურად, რაც მისი მხრიდან ხშირად მოგვისმენია, ეს არის უბრალოდ ჭორაობა და მეტი არაფერი", - განაცხადა სოფო კილაძემ.

კიდევ ერთი დეპუტატი უმრავლესობიდამ, იურიდიულ საკითხთან კომიტეტის თავმჯდომარე ანრი ოხანაშვილი ბესელიას განცხადებას არასერიოზულს უწოდებს, თუმცა დასძინს, რომ ინფორმაციას არსებობის შემთხვევაში, მან გამოძიებას უნდა მიმართოს.

"ეს თუ მართლა განაცხადა ეკა ბესელიამ, მაშინ იგი ვალდებულია გამოძიებას მიაწოდოს ინფორმაცია, რადგან ეს შესაძლოა გახდეს გამოძიების დაწყების საფუძველი. სერიოზულად ვერ მოვეკიდები ამ სიტყვებს", - აღნიშნა ოხანაშვილმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან