მსჯავრდებული დეკანოზ გიორგი მამალაძის ძმამ, თორნიკე მამალაძემ პარლამენტთან კარავი გაშალა. 

როგორც მამალაძემ აღნიშნა, ის დეკანოზის გათავისუფლებას ითხოვს და დასძინა, რომ მისი ძმა უდანაშაულოა. 

"ჩემი უდანაშაულო ძმა დღემდე იხდის სასჯელს. ის პარალიზებულ მდგომარეობაშია. ასევე სოლიდარობას ვუცხადებ 20 ივნისის აქციის საქმეზე დაკავებულ ადამიანებს, რომლებიც უდანაშაულოდ იმყოფებიან საპყრობილეში. მე ვიქნები აქ, მანამდე სანამ ჩემი ძმა არ გათავისუფლდება. მინდა უთხრა ყველას, რომ დიდი მოთმინების უნარი მაქვს და არ დავიღლები", - განაცხადა თორნიკე მამალაძემ.  

მანამდე თორნიკე მამალაძეს კარავი საპატრიარქოსთან რამდენიმე თვის განმავლობაში ჰქონდა გაშლილი. 

აღსანიშნავია, რომ საკანონმდებლო ორგანოსთან კარავი პანკისის ხეობაში სპეცოპერაციის დროს მოკლული თემირლან მაჩალიკაშვილის მამას, მალხაზ მაჩალიკასვილს უკვე წელიწადზე მეტია აქვს გაშლილი. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება