საბურთალოს რაიონის გამგეობასა და ჩეხეთის რესპუბლიკის დედაქალაქის მუნიციპალიტეტ პრაღა 3-ს შორის ურთიერთთანამშრომლობის მემორანდუმი გაფორმდა.

მემორანდუმს ხელი ჩეხეთის რესპუბლიკაში ვიზიტით მყოფმა საბურთალოს რაიონის გამგებელმა, გაიოზ ვასაძემ და პრაღა 3-ის მერმა, ირჟი პტაჩეკმა მოაწერეს. ხელმოწერის ცერემონიას ასევე, ჩეხეთის რესპუბლიკაში საქართველოს საგანგებო და სრულუფლებიანი ელჩი მარიამ რაქვიაშვილი ესწრებოდა.

ურთიერთთანამშრომლობის მემორანდუმი, როგორც ინფრასტრუქტურული პროექტების, ასევე, სხვადასხვა სფეროში მხარეთა შორის გამოცდილების გაზიარებას ისახავს მიზნად. დოკუმენტის თანახმად, მხარეები ასევე თანხმდებიან, რომ ადგილობრივი თვითმმართველობის დონეზე ორმხრივ ურთიერთობებს განავითარებენ.

მემორანდუმის ფარგლებში, მხარეთა შორის ბიზნეს, კულტურული და ტურიზმის სფეროების წარმოჩენისთვის ღონისძიებების ორგანიზება და ადგილობრივ დონეზე ინსტიტუციური თანამშრომლობის მხარდაჭერა იგეგმება. მხარეები ასევე, ხელს შეუწყობენ სახელმწიფო ხელისუფლებისა და ინსტიტუტების წარმომადგენლებს შორის თანამშრომლობის დამყარებასა და განვითარებას.

პრაღაში ვიზიტის ფარგლებში, საბურთალოს გამგეობის დელეგაცია ღვინის ყოველწლიურ ფესტივალსაც დაესწრო, სადაც ქვეყნის პოპულარიზაციის მიზნით, ქართული ღვინოც იყო წარმოდგენილი.

„საბურთალოს გამგეობა და პრაღა 3 სამომავლო პროექტების განხორციელების დროს ითანამშრომლებენ, რაც ნიშნავს ახალ შესაძლებლობებს, გამოცდილების გაზიარებას, პარტნიორული და მეგობრული  ურთიერთობების განვითარებას თბილისსა და პრაღას შორის. ჩვენთვის ძალიან სასიხარულო იყო, რომ ჩვენი სტუმრობის პერიოდში, პრაღაში ყოველწლიური ღვინის ფესტივალი გაიმართა, სადაც ქართული ღვინო პირველად იყო წარმოდგენილი. ვიმედოვნებ, რომ ამ ფორმატში, კიდევ მრავალი საინტერესო პროექტი განხორციელდება“, - განაცხადა საბურთალოს გამგებელმა.

აღსანიშნავია, რომ საბურთალოს გამგეობა და პრაღა 3 ქალაქის განვითარების პოლიტიკაზე პასუხისმგებელი ინსტიტუციების როლის, პროექტების შემუშავების, დაგეგმვის, განხორციელებისა და მონიტორინგის, ასევე, რაიონებს შორის კონკურენციის გაუმჯობესების მიმართულებით ითანამშრომლებენ.

(NS)

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება