პარლამენტის შენობის შესასვლელთან, სადაც #სირცხვილიას საპროტესტო აქცია მიმდინარეობს, ცოტა ხნის წინ ინციდენტი მოხდა.

„ექსპრესნიუსის“ კორესპონდენტის ინფორმაციით, შენობიდან გამოსული „ქართული ოცნების“ დეპუტატი, ვიქტორ ჯაფარიძე აქტივისტების მიერ მოწყობილმა სირცხვილის კორიდორმა გააღიზიანა. ის აქციის ერთ-ერთ მონაწილეს ფიზიკურად დაუპირისპირდა, სასტვენია წაართვა და დაამტვრია. მომხდარის შემდეგ დეპუტატმა ტერიტორია დატოვა.

დაზარალებული აქციის მონაწილე ადგილზე მყოფ სამართალდამცველებთან მივიდა და მომხდარის შესახებ ინფორმაცია მიაწოდა.

ამ დროისთვის პარლამენტის სამ შესასვლელთან აქციის მონაწილეები არიან შეკრებილი. ისინი „ქართული ოცნების“ მიერ პრემიერ-მინისტრის პოსტზე შს მინისტრის, გიორგი გახარიას წარდგენას აპროტესტებენ. აღსანიშნავია, რომ აქციის მონაწილეები 20 ივნისს მომხდარი მოვლენების შემდეგ, გახარიას გადადგომას ითხოვდნენ, შესაბამისად, მმართველი გუნდის დღევანდელმა გადაწყვეტილებამ მათი უკმაყოფილება კიდევ უფრო გაამწვავა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს