საოკუპაციო რეჟიმის წარმომადგენლებმა გუშინ, ოკუპირებული სოფლის აძვისთავის მიმდებარე ტერიტორიაზე გატაცებული მოქალაქეების კუთვნილი ავტომობილები ქართულ მხარეს გადმოსცეს.

შინაგან საქმეთა სამინისტროს თანამშრომლებმა ავტომობილები პოლიციის შენობაში გადაიყვანეს. შესაბამისი პროცედურების ჩატარების შემდეგ, ისინი კანონიერ მეპატრონეებს დაუბრუნდებათ.

შინაგან საქმეთა სამინისტროს კრიმინალური პოლიციის წარმომადგენლის, კობა ცერცვაძის განცხადებით, მოლაპარაკებებში ჩართული იყო ყველა შესაბამისი უწყება.
„რაც შეეხება საქართველოს 8 მოქალაქის უკანონოდ დაკავების ფაქტს საოკუპაციო ძალების მიერ, გუშინდელი დღიდან ინტენსიურად არის ჩართული შინაგან საქმეთა სამინისტრო, სახელმწიფო უსაფრთხოების სამსახურის ანალიტიკური დეპარტამენტი, ინფორმირებული იქნა ევროკავშირის მონიტორინგის მისია, გააქტიურებული იქნა ცხელი ხაზი. მოლაპარაკებების შედეგად, დღეს, საოკუპაციო ძალების წარმომადგენლებმა ოკუპაციის ხაზთან გადმოგვცეს უკანონოდ დაკავებული პირების კუთვნილი 3 ავტომანქანა. რაც შეეხება თვითონ დაკავებულ პირებს, ინტენსიურად მიმდინარეობს მოლაპარაკებები, საქართველოს ცენტრალური ხელისუფლება და შესაბამისი ორგანოები აკეთებენ ყველაფერს, რათა უკანონოდ დაკავებული პირები, რაც შეიძლება დროულად გათავისუფლდნენ უკანონო პატიმრობიდან და დროულად დაუბრუნდნენ თავიანთ ოჯახებს“ - განაცხადა შინაგან საქმეთა სამინისტროს წარმომადგენელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს