„ჩვენი სასამართლო საჭიროებს რადიკალურ ცვლილებას. ეს ცვლილება უნდა დაიწყოს „მურუსიძე-ჩინჩალაძის“ „ბუდის დანგრევით“, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ განაცხადა.

დოლიძემ უზენაესი სასამართლოს მოსამართლეობის კანდიდატებთან გასაუბრების პროცესი შეაფასა და აღნიშნა, რომ „ყველაზე დიდი მონაპოვარი ამ პროცესის არის სასამართლოს გაშიშვლებული სახე“.

„პროცესი მიმდინარეობდა ფორმალისტურად. კლანმა შემოატანინა უამრავ ადამიანს განაცხადი მხოლოდ იმიტომ, რომ დარჩენილიყო შთაბეჭდილება, რომ აქ არის კონკურსი, სინამდვილეში კლანის ფავორიტებს ჩვენ უბრალოდ გამოვარჩევთ იმით, თუ როგორ გვიწევდნენ ჩვენ როდესაც ვსვამდით კრიტიკულ კითხვებს, მაგრამ ყველაზე დიდი მონაპოვარი ამ პროცესის არის სასამართლოს გაშიშვლებული სახე. ჩვენ ვნახეთ მოსამართლეები, რომელთა ბელადი არის ვლადიმერ ილიას ძე ლენინი, ვნახეთ მოსამართლეები, რომლებმაც არ იციან რა არის ემპათია და რეალურად ვნახეთ, რომ ჩვენი სასამართლო საჭიროებს რადიკალურ ცვლილებას. ეს ცვლილება უნდა დაიწყოს მურუსიძე-ჩინჩალაძის ბუდის დანგრევით“, - აღნიშნა ანა დოლიძემ.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს