2019-08-14 19:05:24, 1084 ნახვა

---

ჯანგირაშვილი ტელეკომპანიებისთვის ვალების რესტრუქტურიზაციას უსამართლოს უწოდებს და სამართლებრივი დავის დაწყებას გეგმავს

ტელეკომპანია "კავკასიის" დირექტორი ნინო ჯანგირაშვილი ფინანსთა მინისტრის ივანე მაჭავარიანის ინიციატივას მსხვილი ტელეკომპანიებისთვის ვალების რესტრუქტურიზაციას უსამართლოს უწოდებს.

 როგორც ჯანგირაშვილმა აღნიშნა,  აღნიშნული გადაწყვეტილება  არათანაბარი გარემო აყენებს დანარჩენ ტელევიზიებს.

ამასთან, ჯანგირაშვილი და სამართლებრივი დავის დაწყებას გეგმავს.

„მე ამას გავასაჩივრებ ყველგან, ყირაზე დავდგები, იმიტომ რა გამოდის, ჩვენ იდიოტები ვართ, ვინც ვიხდით, ეს რა კონკურენტული ვითარებაა? გამოდის, რომ იქნება სულ ლიდერი ხომ? ლიდერი არხები არ უნდა იხდიდნენ გადასახადს? ეს რა სამართლიანობაა? ივანიშვილის არის სამივე არხი, მაესტრო, იმედი და რუსთავი 2. ადგეს ივანიშვილმა და სასწრაფოდ შეიტანოს ბიუჯეტში ის 56 მილიონი, რაც ჯამში გამოდის. არანაირი რესტრუქტურიზაცია, ხომ უნდოდა „რუსთავი 2“? „იმედი“, „მაესტრო“ ხომ არის მისი? ბიძინა ივანიშვილმა გადაიხადოს ბიუჯეტში, მისი ტელევიზიების მიერ დაგროვილი 56 მილიონი ლარი, წინააღმდეგ შემთხვევაში, მე პირადად წამოვიწყებ უდიდეს სკანდალს ამ ქვეყანაში", - აღნიშნა "კავკასიის" დირექტორმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი