სახალხო დამცველი, ნინო ლომჯარია ტელეკომპანია "რუსთავი 2"-ის ყოფილ გენერალურ დირექტორს შეხვდა.

გვარამია სახალხო დამცველს  მის წინააღმდეგ მიმდინარე სისხლის სამართლის საქმის დეტალები გააცნო.

ომბუდსმენის შეფასებით, შესაძლოა საქმე სამოქალაქო დავაა და სისხლის სამართლის საქმედ არის ფორმირებული.

„არის ძალიან რთული სამართლებრივი საკითხი. ვფიქრობ რომ ძალიან მნიშვნელოვანია, რომ არსებობდეს სათანადო მტკიცებულებები, დასაბუთებული მსჯელობა იმასთან დაკავშირებით, რომ ეს კონკრეტული დავა წარმოადგენს სისხლის სამართლის განსჯადობის საკითხს. ვფიქრობ, რომ ამ საკითხთან დაკავშირებით პროკურატურამ უნდა წარმოადგინოს მეტი მტკიცებულებები. ჩვენ ვაპირებთ რომ როდესაც დაიწყება სასამართლო, ყოველ შემთხვევაში შევეცდებით მაქსიმალურად რომ ჩავერთოთ და წარვადგინოთ სასამართლო მეგობრის მოსაზრება გასნჯადობასთან დაკავშირებით. არსებობს კითხვები არის თუ არა ეს სისხლის სამართლის კვალიფიკაცია, თუ ეს მსგავსი საკითხი არის სამოქალაქო განსჯადობის თემა. პროკურატურამ უნდა დაამტკიცოს განზრახვა რაც აუცილებელია ამ ტიპის დანაშაულისთვის. ამ ეტაპზე ჩემი წარმოდგენით და მოსაზრებით საკმარისი მტკიცებულებები არ არსებობს  განზრახვასთან დაკავშირებით. მზად ვართ შევხვდეთ პროკურატურასაც და მათი პოზიციები იმ კითხვებთან დაკავშირებით, რაც მე დღეს გამიჩნდა  ნიკა გვარამიას და მის ადვოკატთან შეხვედრის შემდეგ, მოვისმინო პროკურატურის მოსაზრებებიც", - განაცხადა ნინო ლომჯარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს