"ნუგზარ წიკლაურის მხრიდან არამარტო უპასუხისმგებლო, არამედ ყალბი და ფარისევლური განცხადება გაკეთდა“, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ ეკა ბესელიამ განაცხადა.

როგორც ბესელიამ აღნიშნა, წინა ხელისუფლებამ ჯაშუშებად ცნო ის ადამიანები, რომლებიც საქართველოს ტერიტორიულ მთლიანობას იცავდნენ.

"ნუგზარ წიკლაურის მხრიდან, ეს არის არამარტო უპასუხისმგებლო, არამედ ყალბი და ფარისევლური განცხადება. ეს ეხება საქართველო-რუსეთს შორის აგვისტოს ომს. არა მარტო ის ადამიანები ვინც მან ახსენა, არამედ ბევრი სხვაც, "ენვერის" საქმეზე დაკავებული პირების შემდეგ, არიან აგვისტოს ომში მონაწილე მფრინავები. ეს ხუთი მფრინავი საქართველოს ტერიტორიულ მთლიანობას იცავდა მაშინ, როდესაც წიკლაური და მისი მეგობრები თავის საშველად ეძებდნენ გზებს. ეს ადამიანები საქართველოს ტერიტორიულ მთლიანობას იცავდნენ, რუსეთის წინააღმდეგ იბრძოდნენ და ისინი ჯაშუშებად გამოაცხადეს და დააპატიმრეს. ბატონო ნუგზარ და სხვებო, ვინც ამ თემაზე ბედავთ და ხმას იღებთ, თქვენ მიატოვეთ მიცვალებულები, გმირი ჯარისკაცები და პატრიარქი რომ არ შებრძანებულიყო, მიწას ვერ მივაბარებდით", - განაცხადა ბესელიამ.

ნუგზარ წიკლაურმა რუსეთში ჯაშუშობის ბრალდებით დაკავებულების საკითხზე დღეს, პლენარულ სხდომაზე ისაუბრა.

„ საქართველოს ძალიან ბევრი  მოქალაქე დაპატიმრებულია და ჯაშუშობის ბრალდებით  სასჯელს  რუსეთის ციხეებში იხდიან, თუმცა, მათ რუსეთმა ბრალდება ყოველგვარი საფუძვლის გარეშე წაუყენა. ზოგიერთ მათგან 10 წლიანი პატიმრობა აქვთ მისჯილი. მაგალითად მანუჩარ შონიას,  ჯემიკო ოკუჯავას, ოთარ ჯღარკავას, ხვიჩა იმერლიშვიდალს 13 წლიანი პატიმრობა აქვთ მისჯილი. დავით ალიევი და მისი დედა, ორივე დაპატიმრებულებულები არიან.  რამზარ თურქოშვილი დაკავებულია და საერთოდ არ ვიცით სად არის, დენის კამიკოვი და ძალიან ბევრი ადამიანი. ჩვენ არაერთხელ  მივმართეთ ზურაბ აბაშიძეს, რომელიც  რუსეთთან კურირებს ე.წ. დათმობის პოლიტიკას, რათა ეს საკითხი როგორმე დამდგარიყო რუსეთთის წინაშე, ეს მოქალაქეები გადმოცემოდნენ საქართველოს. მითუმეტეს უცნაურია საქართველოს ხელისუფლების ასეთ უმოქმედობა, კაპიტულანტური პოლიტიკა, როდესაც ამ პარლამენტმა ეკა ბესელიას ხელმძღვანელობით , გაათავისუფლა რუსეთის ჯაშუშები, იურიშ კლინნიკოვი, რომელიც იყო რუსეთის სამხედრო დაზვერვის წარმომადგენელი, ამ ადამიანს პირადი თავდებობა გაუწია ბესელიამ, ჩაპლიკინი– ჯაშუში, ედუარდ აბდულაევი – ჯაშუში, კიდევ სხვა, ადამიანი, რომლეიც აქედან გათავისულფდნენ“, – აღნიშნა წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს