იუსტიციის სამინისტროში ალბანეთის დელეგაცია იმყოფებოდა.

უწყების ინფორმაციით, ალბანეთის ინოვაციების სამინისტროს დელეგაციის წევრები იუსტიციის მინისტრის მოადგილეებმა გოჩა ლორთქიფანიძემ და მიხეილ სარჯველაძემ მიიღეს.

იუსტიციის მინისტრის მოადგილეებმა სტუმრებს იუსტიციის სამინისტროს მიერ საკანონმდებლო და მომსახურების სფეროში გატარებული რეფორმები გააცნეს.

დღესვე დელეგაციის სამუშაო ჯგუფის წევრები თბილისის იუსტიციის სახლსაც ეწვევიან, სადაც იუსტიციის სახლისა და საჯარო რეესტრის ეროვნული სააგენტოს მუშაობის სპეციფიკას გაეცნობიან და საჯარო სერვისების შესახებ მიიღებენ ინფორმაციას.

ხვალიდან დელეგაციის წევრები რუსთავის იუსტიციის სახლს ესტუმრებიან და იუსტიციის სამინისტროს მმართველობის სფეროში მოქმედ სსიპ „სახელმწიფო სერვისების განვითარების სააგენტოსა“  და „მონაცემთა გაცვლის სააგენტოს“ ხელმძღვანელობასაც შეხვდებიან. დაგეგმილია შეხვედრები შინაგან საქმეთა სამინისტროშიც.

ალბანეთის 11-კაციანი დელეგაციის ვიზიტი ხუთდღიანია და ის 12 ივლისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს