„ეს იყო ამოსუნთქვა არა საქართველოსი და მისი მოსახლეობის, ეს იყო  ამოსუნთქვა  გარკვეული პოლიტიკური სპექტრის და ჯგუფის და სიკეთე  ჩვენი ქვეყნისთვის არ მოუტანია“, - ამის შესახებ პარლამენტის თავდაცვისა და უშიშროების კომიტეტის თავმჯდომარის მოადგილე კობა კობალაძემ დღეს გამართულ პრესკონფერენციაზე განაცხადა. 

„გამოდის იმ პერიოდის  მაღალჩინოსანი და გვეუბნება,  რომ ეს იყო ამოსუნთქვა საქართველოსთვის, რაც ცოტა არ იყოს, ჩვენ კითხვებს კიდევ უფრო ამძაფრებს, იმიტომ რომ რეალურად ეს იყო ამოსუნთქვა არა საქართველოსი და მისი მოსახლეობის, არამედ იყო ამოსუნთქვა  გარკვეული პოლიტიკური სპექტრის და ჯგუფის. დანარჩენი არც ამოსუნთქვაში და არც შემდგომ პროცესებში  ამას საინტერესო და სიკეთე  ჩვენი ქვეყნისთვის არ მოუტანია. ჩვენ რეალურად ვდგევართ გამოწვევის წინაშე, რომელიც სათანადო რეაგირების ქვეშ უნდა მოვაქციოთ და ჩვენი უდიდესი ხედვა და სწრაფვა იმის, რომ ეს ქვეყანა იყოს ერთიანი და ძლიერი. მე აღარ ვსაუბრობ სტრატეგიულ და ოპერატიულ დონეზე იმ დანაკარგებზე და სახელმწიფო ინტერესების იმ უგულებელყოფაზე , რომელიც ჩვენს წინაშე კვლავ   გამოწვევების სახით რჩება, იმ პროცესებიდან გამომდინარე. არც სამართლებრივ იმ კრიზისულ სიტუაციაში, რომელშიც ჩვენ იმ პერიოდში მოვხვდით“ - განაცხადა კობალაძემ.

უმრავლესობის წევრი მიიჩნევს, რომ 2008 წლის აგვისტოს ომის დროს არ შეფასდა ის რისკ-ფაქტორები, რომლითაც  უნდა ყოფილიყო ადგილობრივი მოსახლეობა გამოყვანილი კონფლიქტის ზონიდან.

“ჩვენ როგორც არ უნდა ვეცადოთ ამ თემების გაუბრალოებას, ეს არის თითოეული ადამიანის ტრაგედიაზე აწყობილი და ცხოვრების არსი.   ყველაფერი ეს ერთობლიობაში იწვევს, ჩვენი ქვეყნის ინტერესების შელახვას. ისტერიკის დონეზე ამ თემის აყვანა ფაქტობრივად ემსახურებოდა იმას, რა შედეგებიც მივიღეთ“, - განაცხადა კობა კობალაძემ.

(NS)

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.