„აუცილებელია, რომ ამ საქმემ პოლიტიკური ანგარიშსწორების ფორმა არ მიიღოს“, - ასე გამოეხმაურა „ახალგაზრდა იურისტთა ასოციაციის“ თავმჯდომარე სულხან სალაძე „რუსთავი 2“-ის ყოფილი გენერალური დირექტორის, ნიკა გვარამიას წინააღმდეგ დაწყებულ გამოძიებას.

სალაძე მიიჩნევს, გამოძიებამ საზოგადოებას მეტი ინფორმაცია უნდა მიაწოდოს.

„გამოძიებამ მეტი ინფორმაცია უნდა მიაწოდოს საზოგადოებას, თუ რა პროცესთან გვაქვს სინამდვილეში საქმე. აუცილებელია, რომ ამ საქმემ არ მიიღოს პოლიტიკური ანგარიშსწორების ფორმა, აუცილებელია ყველა კითხვაზე იყოს პასუხი გაცემული, როგორც ერთი, ისე მეორე მხრიდან და არ დაგვრჩეს შთაბეჭდილება, რომ ეს პროცესი ატარებდეს პოლიტიკურად მოტივირებული საქმის ნიშნებს და არა რეალურად სამართლებრივ საქმეს“-ამბობს სალაძე.

ნიკა გვარამია საქალაქო სასამართლოში მოწმის სტატუსით იკითხება. საქმე ეხება სამაუწყებლო კომპანია „რუსთავი 2“-ის  კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით  მითვისების და  ქონების  მოჩვენებითი ან/და თვალთმაქცური გარიგებით გადამალვის საქმეზე მიმდინარე გამოძიებას. გამოძიების ფარგლებში,  პროკურატურის შუამდგომლობის საფუძველზე, მიღებულ იქნა სასამართლოს შესაბამისი განჩინებები „სამაუწყებლო კომპანია რუსთავის 2“-ის კონტრაქტორი საწარმოებიდან, მათ შორის  „ინტერ მედია“ და „ინტერ მედია პლიუსიდან“, გამოძიებისათვის საჭირო დოკუმენტაციისა და ელექტრონული ინფორმაციის ამოღების თაობაზე.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.