ვიცე-პრემიერის, ეკონომიკისა და მდგრადი განვითარების მინისტრის გიორგი კვირიკაშვილის შეფასებით, საბერძნეთში განვითარებული მოვლენები გავლენას  საქართველოზეც იქონიებს.

კვირიკაშვილის განცხადებით, მაისის მდგომარეობით, საქართველოში საბერძნეთიდან შემოსული ფულადი გზავნილების მოცულობა შემცირებულია.

„საქართველოზე, რა თქმა უნდა, ექნება გავლენა. ჩვენ უკვე წლის დასაწყისიდან დაახლოებით 16 მილიონი დოლარის ფარგლებში დაგვაკლდა წინა წლის 5 თვის პერიოდთან შედარებით, მაისის თვეში ეს იყო დაახლოებით 2,4 მილიონი დოლარი, ანუ არშემოსული თანხა. ეს არაა მთლიან ბალანსში დიდი რიცხვი, დაახლოებით 15-16 პროცენტია საბერძნეთიდან ფულადი გზავნილების პროცენტული მაჩვენებელი მთლიან ფულად გზავნილებში. თუმცა რუსეთიდან ფულადი გზავნილების მნიშვნელოვანი შემცირების შემდეგ ეს მაჩვენებელი დაახლოებით 19-20%-მდე ავიდა. თვითონ ფულის გადმორიცხვის თვალსაზრისით იმდენად დიდი პრობლემა არაა იქ ფინანსური ინსტიტუტების შეჩერება, რამდენადაც სამუშაო ადგილების შემცირების კუთხით და ეს არის რაზეც ჩვენ პირველ რიგში უნდა ვიფიქროთ. თუ ისე მოხდა, რომ ეკონომიკაში საშუალოვადიანი უარყოფითი ტენდენცია გაჩნდა, ამ ადამიანებს მოუწევთ სხვა სამსახურის ძებნა, რაც ძალიან ცუდი იქნება“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა