„რასაც უპასუხისმგებლო ოპოზიცია ითხოვს, ეს არის სრულიად მიუღებელი. ამბობენ იმას, რომ კონსტიტუციის დაცვა შინაგან საქმეთა სამინისტროს მხრიდან ყოფილა ბოროტება და პარლამენტის შტურმით აღება არის პატრიოტიზმის გამოვლინება“, - ამის შესახებ პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე განაცხადა.

როგორც მან აღნიშნა, ხელისუფლება ორიენტირებულია იმაზე, რომ 20-21 ივლისის მოველენებთან დაკავშირებული გამოძიება ობიექტურად და გამჭვირვალედ ჩატარდეს.

„გიორგი არის ჩვენი გუნდის წევრი და კონტექსტი თქვენი კითხვის არის სრულიად არარელევანტური. ჩვენ არაერთხელ განვაცხადეთ, თქვენ ვერ დაასახელებთ ვერცერთ ადამიანს ჩვენს გუნდში, რომელიც თავის სკამს გამოეკიდება, მაგრამ რასაც უპასუხისმგებლო ოპოზიცია ითხოვს, ეს არის სრულიად მიუღებელი. ამბობენ იმას, რომ კონსტიტუციის დაცვა შინაგან საქმეთა სამინისტროს მხრიდან ყოფილა ბოროტება და პარლამენტის შტურმით აღება არის პატრიოტიზმის გამოვლინება. ეს არის კონტექსტი, რომლის განვითარებაც სურთ ამ უპასხუსიმგებლო ადამიანებს. გიორგი არ გაურბის პასუხისმგებლობას ისევე როგორც არც მე და არც ერთი ჩვენი გუნდის წევრი. ამიტომ არის, რომ ჩვენ ვართ ორიენტირებული, გამოძიება ჩატარდეს სწრაფად, ობიექტურად და გამჭვირვალედ იმ ცალკეულ შემთხვევებზე, როდესაც ჰქონდა სამართალდამცველების მხრიდან ძალის გადამეტებას ადგილი.  მაგრამ როდესაც ჩვენ ვუყურებთ ზოგად სურათს, მთავარ პრობლემას, რამაც ეს გამოიწვია და შემდეგ არასწორი ინტერპრეტაციის მცდელობას, რომ სრულიად დამახინჯებული სურათი მიაწოდონ ქართულ საზოგადოებას, ეს არის სრულიად მიუღებელი. ის ღამე იყო ძალიან დიდი გამოწვევა ქართული სახელმწიფოსთვის. ჩვენ ხომ გვსურს ყველას სამართლებრივ სახელმწიფოში ცხოვრება, ხომ გსურთ რომ გავხდეთ ევროპის სრულფასოვანი წევრი? რომელ ქვეყანაში წარმოგიდგენიათ, რომ მიმდინარეობდეს პარლამენტის შტურმით აღება?!“, - განაცხადა პრემიერ-მინისტრმა.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.