ჟენევაში საერთაშორისო მოლაპარაკებების 48-ე რაუნდის ფარგლებში საქართველოს დელეგაცია საოკუპაციო რეჟიმის მხრიდან ენგურის ხიდის ჩაკეტვაზე, უკანონო ბორდერიზაციის და საოკუპაციო ხაზის მდებარე სოფლებში არსებულ რთულ ვითარებაზე გაამახვილებს ყურადღებას, - ამის შესახებ  საქართველოს საგარეო საქმეთა სამინისტროს ოფიციალურმა წარმომადგენელმა ვლადიმერ კონსტანტინიდმა ისაუბრა.

კონსტანტინიდი აღნიშნავს, რომ საქართველოს მოქალაქეების -  არჩილ ტატუნაშვილის, გიგა ოთხოზორიასა და დავით ბაშარულის მკვლელობის ფაქტებზე საოკუპაციო რეჟიმის პასუხისმგებლობის საკითხი კიდევ ერთხელ დაისმება. 

„ეს გახლავთ გამალებული მილიტარიზაცია, უკანონო ბორდერიზაცია, იქ არსებული მძიმე ჰუმანიტარული და პოლიტიკური ფონი და ა.შ. განსაკუთრებული ყურადღება გამახვილდება 27 ივნისს მიღებულ გადაწყვეტილებაზე, რომელის შედეგადაც დაკეტილია ენგურის ხიდი, რაც კიდევ უფრო ართულებს იქ არსებულ ვითარებას. კომისია აგრძელებს მუშაობას, ეს არის 48-ე რაუნდი და როგორც გითხარით, ყველა ის მნიშვნელოვანი საკითხი, მათ შორის ჩვენი გარდაცვლილი მოქალაქეების საკითხი, კიდევ ერთხელ დაისმება“, - აცხადებს ვლადიმერ კონსტანტინიდი.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს