საგარეო საქმეთა მინისტრმა ევროსაბჭოში რუსეთისთვის სანქციების მოხსნასთან დაკავშირებით პრინციპული პოზიცია  ჯერ კიდევ 17 მაისს დააფიქსირა - ამის შესახებ საქართველოს საგარეო საქმეთა სამინისტროს ოფიციალურმა წარმომადგენელმა  ვლადიმერ კონსტანტინიდმა განაცხადა.

კონსტანტინიდმა ამით იმ ბრალდებებს უპასუხა, რომელიც ევროსაბჭოში რუსეთისთვის ხმის დაბრუნების უფლებასთან დაკავშირებით, საქართველოს ხელისუფლების უმოქმედობას ეხება.

„ქართულ მხარეს ამაზე პრინციპული პოზიცია ჰქონდა დაფიქსირებული. კერძოდ; ჯერ კიდევ 17 მაისს, საქართველოს საგარეო საქმეთა მინისტრი გამოვიდა სპეციალური განცხადებით და დააფიქსირა თავისი მკაფიო პოზიცია რუსეთის დელეგაციისთვის სანქციების მოხსნასთან დაკავშირებით. ეს პოზიციები, როგორც აღმასრულებელი ხელისუფლების, ისე საკანონმდებლო ხელისუფლების სრულ თანხვედრაშია ერთმანეთთან და გამოხატავს ქართული მხარის პოზიციას. უაღრესად მნიშვნელოვანია გავითავლისწინოთ ის, რომ ევროპის საბჭო და ზოგადად ეს ფორმატი არის ძალიან მნიშვნელოვანი პლატფორმა ჩვენთვის“, - აცხადებს საქართველოს საგარეო საქმეთა სამინისტროს ოფიციალური წარმომადგენელი ვლადიმერ კონსტანტინიდი.

შეგახსენებთ, რომ რუსეთს ევროსაბჭოს საპარლამენტო ასამბლეაში შეჩერებული ხმის მიცემის უფლება აღუდგინეს. რუსეთს ევროსაბჭოს საპარლამენტო ასამბლეაში უფლებამოსილება 2014 წელს ყირიმის ანექსიისა და უკრაინაში განვითარებული მოვლენების გამო შეუჩერდა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს