„მესმის მათი გულწრფელობისა, თუმცა ამ კრიტიკის ან მოთხოვნების სამართლებრივი საფუძველი არ არსებობს“, - ასე უპასუხა „ქართული ოცნების“ წევრმა ზაზა გაბუნიამ, რუსთაველის გამზირზე მიმდინარე საპროტესტო აქციასთან დაკავშირებულ შეკითხვას.

როგორც მან აღნიშნა, აუცილებელია, საზოგადოება გამოძიების დასრულებას დაელოდოს.

„მე ეჭვი არ მეპარება იმ ახალგაზრდების პროტესტის გულწრფელობაში, რომლებიც უკვე მეცხრე თუ მეათე დღეა, რუსთაველის გამზირზე გამოთქვამენ საკუთარ მოსაზრებას და პროტესტს. მე აბსოლუტურად მესმის მათი გულწრფელობისა, თუმცა ამ კრიტიკის ან მოთხოვნების სამართლებრივი საფუძველი არ არსებობს, მით უმეტეს მაშინ, როდესაც მინისტრი საუბრობს იმაზე, რომ მზად არის პასუხისმგებლობა აიღოს ამ საკითხზე, მას შემდეგ რაც გამოძიება დასრულდება. ეს არის ადეკვატური განცხადება. მე მოვუწოდებ მათ შორის ყველას, იქნება ეს პოლიტიკური მოთამაშეები და აქტორები, თუ საზოგადოებრივი ორგანიზაციები, თვალი მიადევნონ საერთაშორისო ექსპერტების მიერ დადებულ დასვკნას და გამოძიებას. ამ გამოძიების შემდეგ, ჩვენ შევხედავთ რამდენად რელევანტური და შესაბამისია ნებისმიერი კრიტიკა, მათ შორის გადადგომასთან დაკავშირებით“, - განაცხადა ზაზა გაბუნიამ.

შეგახსენებთ, თბილისში, პარლამენტის შენობასთან მეათე დღეა, საპროტესტო აქცია მიმდინარეობს. აქციის მონაწილეების მთავარი მოთხოვნა შინაგან საქმეთა მინისტრის, გიორგი გახარიას გადადგომაა. ამასთან, აქციის მონაწილეები დღეს „რესპუბლიკის მოედნიდან“ პარლამენტის შენობის მიმართულებით „თავისუფლების მარშს“ გამართავენ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს