ვფიქრობ, რომ დღეს საზოგადოებას ჩემს წლიურ ანგარიშზე მეტად, ბოლო დროის მოვლენები აინტერესებს, - ამის შესახებ პრემიერ-მინისტრმა, მამუკა ბახტაძემ პრესკონფერენციაზე განაცხადა.

პრემიერმა განმარტა თუ რატომ გადაიდო დღეს მისი წლიური სამთავრობო მოხსენების წარდგენა და აღნიშნა, რომ მზად არის ნებისმიერ დროს მივიდეს პარლამენტში.

„ბოლო დღეებში მიმდინარე მოვლენებიდან გამომდინარე, მე ვფიქრობ, რომ დღეს საუბარი იმაზე, თუ როგორ ხორციელდება საქართველოში ინფრასტრუქტურული პროექტები, სხვადასხვა რეფორმები, რასაც ჩვენ ვახორციელებთ ჯანდაცვის სექტორში, სოფლის მეურნეობაში თუ სხვა მიმართულებით, ეს არ შეესაბამება იმ საზოგადოებრივ ინტერესს, რაც დღეს არის ჩვენთან. აქედან გამომდინარე, მე მივიღე გადაწყვეტილება ჩვენ კოლეგებთან ერთად, მე მზად ვარ ნებისმიერ დროს საქართველოს პარლამენტთან კონსულტაციის შედეგად, მივიდე ჩემს კაბინეტის წევრებთან ერთად და წარვადგინო ჩვენი წლიური ანგარიში. ნებისმიერ დროს, მათ შორის, რიგგარეშე სესიაზე.

დღეს, რაც აინტერესებს ჩვენ საზოგადოებას არის ბოლო დროს განვითარებული მოვლენები, მივაწოდოთ მათ ინფორმაცია, რომ თითოეულ საქართველოს მოქალაქეს, რეალური სურათი, თუ რასთან გვაქვს საქმე“, - აღნიშნა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს