„რა მნიშვნელობა აქვს ორი საათით ადრე დააკავებთ ნიკა მელიას, თუ ორი საათით გვიან? რატომ ვერ ითმენთ ხალხო, რა გჭირთ?“ - ამ სიტყვებით „ევროპული საქართველოს“ წევრმა, ხათუნა გოგორიშვილმა  საპარლამენტო უმრავლესობის წევრებს გაერთიანებული ოპოზიციის წევრებს მიმართა, სადაც „ნაციონალური მოძრაობის“ წევრის, ნიკა მელიას სადეპუტატო იმუნიტეტის შეჩერების საკითხზე მსჯელობენ.

გოგორიშვილის განცხადებით, საპროცედურო საკითხთა და იურიდიულ საკითხთა კომიტეტებს დეპუტატისთვის ო იმუნიტეტის შეწყვეტის შესახებ გადაწყვეტილების მიღებისთვის 5 დღე აქვს, გაერთიანებული კომიტეტის სხდომა დილის 09:00 საათზე ჩაინიშნა.

„იქნებ აგვიხსნათ რითია განპირობებული ასე სასწრაფოდ და საჩქაროდ, დილის ცხრა საათზე სხდომის დანიშვნა, რომ გადაგვიყვანეს ბიძინა ივანიშვილის რეჟიმზე, 5 დღეა განხილვისთვის განსაზღვრული და გუშინ შემოტანილ საკითხზე დილაუთენია სხდომა გამართეთ“, - აღნიშნა გოგორიშვილმა.

შეგახსენებთ, რომ პროკურატურა ნიკა მელიას  ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. გენერალური პროკურორის პარლამენტისადმი გაგზავნილ მიმართვაში ნათქვამია, რომ მან შესძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს