"ნაციონალური მოძრაობის" წევრისთვის ნიკა მელიასთვის სადეპუტატო მანდატის შეჩერებაზე პარლამენტი დღეს იმსჯელებს.

საკითხს იურიდიულ და საპროცედურო კომიტეტების სხდომაზე განიხილავენ. კომიტეტებზე საკითხის გატანას მხარი მხოლოდ საპარლამენტო უმრავლესობამ დაუჭირა, რადგან ოპოზიციის დეპუტატებმა, სხდომა პროტესტის ნიშნად დატოვეს, მათ შორის "ევროპული საქართველოს" წევრებმა სერგი კაპანაძემ, სერგო რატიანმა და "ნაციონალური მოძრაობის" წევრმა რომან გოცირიძემ. 

პარლამენტის ვიცე-სპიკერის გია ვოლსკის განცხადებით, გადაწყვეტილება ყველა აუცილებელი პროცედურის და სამართლიანი განხილვის შედეგად მიიღება.

"დარწმუნებული იყავით, საკითხთან დაკავშირებით ყველანაირი სამართლებრივი არგუმენტი გათვალისწინებული იქნება. წინააღმდეგ შემთხვევაში გადაწყვეტილებას მხარს ვერავინ დაუჭერს. ძალიან საინტერესო დეტალები იქნება განხილული და ძალიან ბევრი დოკუმენტი დაიდება. უნდა შევისწავლით რა მასალებს მოგვაწვდის პროკურატურა. თუმცა რაც მე ვიხილე, მიგვიყვანა გარკვეულ საკითხებამდე: პირველია სახელმწიფო გადატრიალების მცდელობა და უამრავი ადამიანის დაშავება",- განაცხადა გია ვოლსკიმ.

ბიუროს სხდომა კამათისა და სიტყვიერი დაპრისიპირების ფონზე მიმდინარეობდა. დეპუტატები ერთმანეთს რამდენჯერმე დაუპირისპირდნენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს