რუსთაველის გამზირზე აქციის მონაწილეები აცხადებენ, რომ თუ შს მინისტრი გიორგი გახარია თანამდებობას არ დატოვებს, მოსახლეობა სახალხო დაუმორჩილებლობას გამოაცხადებს.

 მათივე თქმით, ხვალ 12:00 საათზე აქციის მონაწილეები შესაბამის გეგმას ჩამოაყალიბებენ.

„თუ გიორგი გახარია არ გადადგება, ჩვენ მას ჩვენი ძალით გადავაყენებთ, გამოვაცხადებთ სახალხო დაუმორჩილებლობას და აქციები მთელი საქართველოს მასშტაბით დაიწყება“, - აცხადებენ აქციის მონაწილეები.

აქციის მონაწილეებმა ხელები აღმართეს და ამით მსოფლიოს დაანახეს, რომ ისინი თავისუფლებისთვის მშვიდობიანი გზით იბრძვიან.

ისინი სკანდირებას აგრძელებენ: „წადი“ „გაუმარჯოს თავისუფალ და დამოუკიდებელ საქართველოს“

აღსანიშნავია, რომ აქციის მონაწილეების რაოდენობა იზრდება, ადგილზე ათასობით ადამიანია შეკრებილი.

 რუსთველის სამართალდამცველები და სასწრაფო დახმარების ეკიპაჟები არიან მობილიზებულები.

ამასთან, აქციის ერთ-ერთმა მონაწილემ პუტინის კარიკატურა მოიტანა, რომელსაც სტვენით და უცენზურო სიტყვებით შეხვდნენ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირში მეორე სამხედრო ქარხანა აფეთქდა, რომელიც უკრაინისთვის იარაღის მომწოდებლებთან იყო დაკავშირებული

უკრაინამ რუსეთს შავ ზღვაში ცეცხლის შეწყვეტა შესთავაზა

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა