რუსთაველზე შეტაკებები გრძელდება - სპეცრაზმი მოქალაქეებს დაშლისკენ მოუწოდებს

2019-06-21 03:10:07, 943 ნახვა

საზოგადოება

რუსთაველის გამზირზე შეტაკებები გრძელდება.

აქციის მონაწილეებმა პარლამენტის შენობასთან დაბრუნება სცადეს, სადაც სპეცდანიშნულების რაზმია მობილიზებული, თუმცა მათ ამის საშუალება არ მიეცათ.

სპეცრაზმმა მოქალაქეების მისამართით კვლავ ცრემლსადენი ყუმბარები ისროლა.

ამასთან, დემონტრანტები გააფრთხილეს, რომ თუ არ დაიშლებიან მათ წინააღმდეგ „კანონით გათვალისწინებული ღონისძიებები გატარდება“.

გარდა ამისა, ცოტა ხნის წინ გავრცელდა ინფორმაცია, რომ ზუგდიდიდან თბილისისკენ პოლიციის დამატებითი ძალები მოემართებიან.

შეგახსენებთ, სპეცრაზმთან დაპირისპირების შემდეგ 100-მდე მოქალაქე დაშავდა. დაშავებულებს შორის სამართალდამცველები და მედიის წარმომადგენლებიც არიან. ათობით ადამიანი საავადმყოფოშია გადაყვანილი. არსებული ინფორმაციით, აქციის სამ მონაწილეს ქირურგიული ჩარევა დასჭირდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,