ჯანდაცვის სამინისტრო - აქციაზე 17 მოქალაქე და 38 სამართალდამცველი დაშავდა

2019-06-21 01:33:53, 912 ნახვა

საზოგადოება

რუსთაველის გამზირზე, საპროტესტო აქციის მიმდინარეობისას განვითარებული მოვლენების შედეგად, 55 ადამიანი დაშავდა.

როგორც „ექსპრესნიუსს“ ჯანდაცვის სამინისტროში განუცხადეს, დაშავებულებს შორის 17 მოქალაქე და 38 სამართალდამცველია.

მოქალაქეებს მსუბუქი და საშუალო ხარისხის დაზიანებები აქვთ მიღებული. ისინი სხვადასხვა კლინიკაში გადაიყვანეს.

რაც შეეხება სამართალდამცველებს, მათგან ოთხის ჰოსპიტალიზაცია გახდა საჭირო.

შეგახსენებთ, პარლამენტის შენობასთან მიმდინარე აქციაზე სპეცრაზმმა დემონტრანტების მისამართით ცრემლსადენი გაზი და რეზინის ტყვიები გამოიყენა. ადგილზე ვითარება ამ დრომდე დაძაბულია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,