„უპრობლემოდ, როგორც კი საჭირო იქნება, მაშინვე გადავდგები“, - ასე უპასუხა შინაგან საქმეთა მინისტრმა გიორგი გახარიამ ჟურნალისტის შეკითხვას, ქვეყანაში განვითარებული მოვლენებიდან გამომდინარე, აპირებს თუ არა თანამდებობის დატოვებას.

როგორც გახარიამ აღნიშნა, იმის მიუხედავად, გადადგება თუ არა ვინმე, სამართალდამრღვევები კანონის სრული სიმკაცრით დაისჯებიან.

„არანაირი მნიშვნელობა არ აქვს როგორ დამთავრდება ეს. არანაირი მნიშვნელობა არ აქვს თანამდებობას. ვინ გადადგება, ვინ დარჩება, რომელი მმართველი პარტია იქნება, ვინ იქნება ოპოზიციაში,  ამ ყველაფერს ექნება შესაბამისი შეფასება და ყველა დაისჯება კანონის სრული სიმკაცრით“, - აღნიშნა გახარიამ.

ამასთან, შს მინისტრმა მოქალაქეებს კიდევ ერთხელ მოუწოდა, პატივი სცენ პოლიციელებს და მათ საკუთარი ფუნქციის შესრულების შესაძლებლობა მისცენ.

 „მე მინდა თითოეულ საქართველოს მოქალაქეს ვთხოვო და მოვუწოდო, რომ პატივი ვცეთ პოლიციელს, რომელიც სამსახურის და გამო, მისთვის არანაირი მნიშვნელობა არ აქვს - ერთი მხარეც მოქალაქეა და მეორეც, ვალდებულია დაიცვას ორივეს უფლებები, მივცეთ პოლიციას საშუალება, რომ ღირსეულად შეასრულოს თავისი ფუნქცია. ამის შემდეგ ყველა ჩვენგანი შევძლებთ წყნარად, მშვიდად დავჯდეთ და ვისაუბროთ, გადავწყვიტოთ რა არის სწორი და რა არა“, - განაცხადა გახარიამ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს