საქართველოში თურქმენეთის პრეზიდენტისა და სამთავრობო დელეგაციის ვიზიტის ფარგლებში ორი ქვეყნის მთავრობებს შორის რამდენიმე შეთანხმება გაფორმდა.

ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა თავის კოლეგასთან, თურქმენეთის ვაჭრობისა და საგარეო ეკონომიკური ურთიერთობების მინისტრთან, ბაირ აბაევთან ერთად, ხელი მოაწერა საქართველოსა და თურქმენეთს შორის ეკონომიკური თანამშრომლობის კომისიის შესახებ შეთანხმებას.

ეკონომიკის სამინისტროს ინფორმაციით, საქართველო-თურქმენეთის  ეკონომიკური თანამშრომლობის მთავრობათაშორისი კომისია ორ ქვეყანას შორის სავაჭრო-ეკონომიკურ, სამეცნიერო-ტექნიკურ და ჰუმანიტარულ სფეროში თანამშრომლობის განვითარებისა და განმტკიცების ხელშეწყობისთვის იმუშავებს.

„მათ შორის მნიშვნელოვანია უცხოური კაპიტალისა და ტექნოლოგიების მოზიდვის, პროგრამების შემუშავებისა და შეთანხმების ხელშეწყობის, სამეცნიერო-ტექნიკურ საკითხებში გამოცდილების გაცვლის, საინვესტიციო პროექტებში ორმხრივი მონაწილეობის, ფინანსური ჯგუფების შექმნის, ერთობლივი წარმოებისა და სამეწარმეო სფეროში თანამშრომლობის მიმართულებები“, - აცხადებენ სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა