„ხელისუფლების ყველაზე მთავარი ფუნქცია არის, რომ ადამიანის კონსტიტუციური უფლებები დაიცვას, ამის შემდეგ ყველაფერი არის დეტალები,“ - ამ განცხადებით ეხმაურება "რუსთავი 2" ის ეთერში „ერთიანი ნაციონალური მოძრაობის“ თავმჯდომარე, გრიგოლ ვაშაძე თბილისის პრაიდის დაგეგმილ ღონისძიებას.

​„შენ თუ იძახი, რომ ვარ ის პოლიტიკური ძალა, რომელსაც ვითომდა, საქართველოს მოქალაქემ მისცა თავის ხმა, მაშინ რა პრობლემა არის, გინდა პირველ შემთხვევაში და გინდა მეორეში, დაიცვას საქართველოს მოქალაქის ინტერესები და კონსტიტუციური უფლებები. თუ ამის თავი არ გაქვს, მაშინ რატომ ცდილობ ხელისუფლებაში იყო, მარტო იმიტომ, რომ სახელმწიფო ტენდერები დახერხო და შენი ნათესავები მოაწყო სახელმწიფო სამსახურში? დღეს, ხომ საქართველოს ყველა მოქალაქემ, ვინც არ არის რეჟიმთან დაკავშირებული, იმიტომ, რომ ეს ხელისუფლება არ არის, ეს არის რეჟიმი, ყველამ მშვენივრად იცის, რომ სახელმწიფო აღარ გვყავს, ის არის მიტაცებული, აღარ გვყავს მთავრობა, ჩვენ გვყავს ადამიანების დაჯგუფება, კრიმინალური, რომელსაც ერთადერთი აზროვნების მიზეზი და საბაბი აქვს, რაც შეიძლება მეტი ფულის ჩატენვა ჩემოდანში, სანამ ქვეყნიდან გაიქცევიან, როდესაც არჩევნებს წააგებენ,“ - განაცხადა ვაშაძემ.

ავტორი: ექსპრესნიუსი,

სოციალური ქსელები

ივანიშვილის რეჟიმის მხარდამჭერი MMA-ს მებრძოლი ქართული ტრადიციებისა და ღირებულებების დასაცავად მოძრაობას ქმნის

TI: „ოცნებამ“ ჟურნალისტების პარლამენტში აკრედიტაცია ზეწოლის ბერკეტად აქცია

პროკურატურა: 21.5 მილიონი ლარის გათეთრების სქემა გამოვლინდა

პაპუაშვილი - რა აზრი აქვს ევროკავშირის წევრობას, თუ ქვეყანას ძირითად უფლებებს ართმევენ?