ლევან ვასაძე თანამოაზრეებს ვერის პარკში იწვევს, რათა „პრაიდის“ ჩაშლის გეგმა შეიმუშაონ

2019-06-15 13:16:18, 1945 ნახვა

საზოგადოება

ბიზნესმენი ლევან ვასაძე „თბილისი პრაიდთან“ და გუშინ, მთავრობის კანცელარიის წინ განვითარებულ მოვლენებთან დაკავშირებით, ვიდეომიმართვას ავრცელებს.

ვასაძე ლგბტ+ თემის წარმომადგენლებს ემუქრება და აცხადებს, რომ მოსახლეობა ქრისტიანული წესრიგის დარღვევას არ დაუშვებს.

ამასთან, იგი მხარდამჭერეს ხვალ, 20:00 საათზე, ვერის პარკში მისვლისკენ მოუწოდებს, რათა „თბილისი პრაიდის“ ჩასაშლელად სამოქმედო გეგმაზე შეთანხმდნენ.

„როდესაც სახელმწიფო უარს ამბობს თავისი ფუნქციების შესრულებაზე, ხალხი ნებისმიერი ქვეყნისა, რომელსაც არ უნდა, რომ იყოს მონა და იყოს ქვეყანა, იღებს თავის ხელში წესრიგს. ამ წესრიგის დასამყარებლად გეძახით ხვალ საღამოს“, - აცხადებს ლევან ვასაძე.

„ექსპრესნიუსის“ რედაქცია ლევან ვასაძის ჰომოფობიურ და სიძულვილის ენის შემცველ განცხადებებს ემიჯნება.