დღეს, სასტუმრო „რედისონ ბათუმში“ ფოტო-პროექტის პრეზენტაცია, სახელწოდებით „ცხოვრება გაფანტულ სკლეროზთან ერთად“ გაიმართა.

გაფანტული სკლეროზის საინფორმაციო კამპანიის „ერთად ერთმანეთისთვის“ ფარგლებში შეიქმნა ფოტო-პროექტი, რომელზეც ფოტო ხელოვანმა, გოგა ჩანადირმა იმუშავა და შეეცადა, ფოტოებით პაციენტების შეგრძნებები გადმოეცა.

ღონისძიებას ესწრებოდნენ ექიმები, პაციენტები და ჯანდაცვის სამინისტროს წარმომადგენლები.

ოგანიზატორთა განმარტებით შეხვედრის მიზანს პაციენტების მხარდაჭერა და ადგილობრივი მთავრობის მიმართ მადლიერების გამოხატვა წარმოადგენდა, რომლთა თანადგომით აჭარის რეგიონში, გაფანტული სკლეროზის მქონე პაციენტებისათვის ხელმისაწვდომი გახდა ადეკვატური მკურნალობა.

2019 წელს აჭარის ჯანდაცვის სამინისტრომ პირველად საქართველოში დაიწყო გაფანტული სკლეროზით დაავადებული პაციენტების მკურნალობისათვის საჭირო მაღალეფექტური მედიკამენტების კურსის ღირებულების დაფინანსება.

საპილოტე პროგრამის ფარგლებში გაფანტული სკლეროზით დაავადებულ პაციენტებს დადასტურებული დიაგნოზით, რომლებიც რეგისტრირებულნი არიან აჭარის ა/რ ტერიტორიაზე მედიკამენტები დაუფინანსდებათ სამედიცინო დაწესებულების ან სააფთიაქო კომპანიების მიერ გაცემული ანგარიშ-ფაქტურის მიხედვით. წლიური ლიმიტი ერთ პაციენტზე 25 000 ლარს შეადგენს. 2019 წელს პროგრამაში ჩაერთო 10 ბენეფიციარი.

(NS)

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს