ბათუმში, სასტუმრო „შერატონში“, აჭარის დასაქმების სააგენტოს ორგანიზებით დასაქმების ფორუმი მიმდინარეობს.

ფორუმზე წარმოდგენილია 8 სფეროში მოქმედი - 68 კომპანია, 268 ვაკანსია და 1858 სამუშაო ადგილი.

ფორუმის გახსნას აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე და მინისტრის მოადგილე ნონა გალოგრე დაესწრნენ.

დასაქმების ფორუმის მიზანია რეგიონში არსებული ვაკანსიების და საგანმანათლებლო პროგრამების შესახებ ინფორმაციის ერთ სივრცეში თავმოყრა. სამუშაოს მაძიებლებს, დამსაქმებლებსა და პროფესიულ სასწავლებლებს პირდაპირი კომუნიკაციის საშუალება მიეცემათ.

ფორუმზე წარმოგენილია რეგიონში ოპერირებადი წამყვანი კომპანიები შემდეგი სფეროებიდან:

დამამუშავებელი მრეწველობა;

ვაჭრობა და დისტრიბუცია;

მშენებლობა;

სასტუმროები;

რესტორნები და სამორინეები;

ფინანსები და დაზღვევა;

ტრანსპორტი;

ლოჯისტიკა და კავშირგაბმულობა;

ჯანდაცვა და სოციალური მომსახურება;

განათლება.

კომპანიების წარმომადგენლები, სამუშაოს მაძიებლებს აწვდიან ინფორმაციას მათი საქმიანობის, სამუშაო გარემოს, არსებული ვაკანსიებისა და მოთხოვნების შესახებ.

ფორუმის მსვლელობისას დასაქმების სააგენტოს შრომითი კონსულტანტები სამუშაოს მაძიებლებს ეხმარებიან სხვადასხვა ორგანიზაციულ საკითხებში და კონსულტირებას უწევენ რეზიუმეს მომზადებაში, აცნობენ სააგენტოს დასაქმების მხარდაჭერით პროგრამებს.

(NS)

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა