„თურნავა უნდა გადადგეს“ - დამოუკიდებელ დეპუტატთა ნაწილი ეკონომიკის მინისტრის გადადგომას ითხოვს

2019-05-30 13:15:12, 1104 ნახვა

პოლიტიკა

პარლამენტის დამოუკიდებელ დეპუტატთა ნაწილი ეკონომიკისა და მდგრადი განვითარების მინისტრის გადადგომას ითხოვს.

როგორც დეპუტატმა ლევან გოგიჩაიშვილმა აღნიშნა, ფოთის პორტის მშენებლობის ნებართვაზე პასუხისმგებლობა თურნავას ეკისრება.

მისი შეფასებით, ის კორუმპირებული მინისტრია.

„მე ვფიქრობ, რომ თურნავა უნდა გადადგეს აუცილებლად იმიტომ, რომ ის არის დანიშნული იმ ოდიოზური ბიზნესმენების მიერ და იმ კორუფციული ინტერესებით არის დანიშნული ეს ადამიანი, რომ ზუსტად ასეთი პროექტებისთვის ხელი მოეწერა. ჩვენ შეგვიძლია, ყველაფერზე დავსვათ კითხვა, უბრალოდ მას შეუძლია, გაგვცეს ან არ გაგვცეს პასუხი. მაგრამ თუ ის პრემიერ-მინისტრია, მას თუ აქვს რაღაც თავმოყვარეობა, ვფიქრობ, რომ ყველაზე ისეთი კითხვაზეც, რომელზეც ის ჩათვლის, რომ არ არის საინტერესო, უნდა გასცეს პასუხი. ან დადგეს ტრიბუნასთან და გასცეს კითხვებს პასუხი ან საერთოდ ნუ მოდის, არავის არ სჭირდება ასეთი პრემიერმინისტრის გამოჩენა საქართველოს პარლამენტში“, - აღნიშნა ლევან გოგიჩაიშვილმა.