"ევროპული საქართველოს" წევრი ზურაბ ჭიაბერაშვილი მიიჩნევს, რომ ლარის კურსის დასტაბილურების ერთ-ერთი ეფექტური გზა აქციზის გადასახადის შემცირებაა.

ჭიაბერაშვილი მოუწოდებს მთავრობას, რომ "ევროპული საქართველოს" მიერ ინიცირებული პროექტი განიხილოს. 

"ჩვენ ვხედავთ, რომ ლარის ეს რყევა არ არის ერთ და ორ დღიანი, არამედ გაცილებით უფრო ხანგძლივი და ფუნდამენტურია. მთავრობამ უნდა დაიწყოს "ევროპული საქართველოს" მიერ არაერთხელ შეთავაზებული მცირე და საშუალო ბიზნესის მხარდაჭერის პროგრამის განხილვა, რომელიც, პირველ რიგში, გადასახადების შემცირებას ითვალისწინებს და ყველაზე მნიშვნელოვანია აქციზის გადასახადის შემცირება. ლარის ასეთი რყევა აუცილებლად აისახება ფასებზე, პირველ რიგში საწვავის ფასებზე, რომელიც მერე ყველაფერ დანარჩენს, რასაც ჩვენი მოქალაქეები ყოველდღიურად ყიდულობენ,  ჯაჭვურად გადაედება. ამიტომ, იმისათვის რომ ფასები იქნას შეკავებული, მნიშვნელოვანია აქციზის გადასახადის შემცირება. თუმცა, ევროპული საქართველოს ეს ინიციატივა , რომელიც ორჯერ იყო უკვე პარლამენტში განხილული,სხვა კომპონენტებს ითვალისწინებს და მთავრობამ ამის სასწრაფოდ განხილვა უნდა დაიწყოს, იმისათვის რომ იყოს მყისიერი რეაქცია იმ მდგომარეობაზე რაც ლარს და ქართულ ეკონომიკას ჭირს",- განაცხადა ზურაბ ჭიაბერაშვილმა.

ავტორი: ექსპრესნიუსი,

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს