„ერთიანი ნაციონალური მოძრაობის“ წევრი ნიკა მელია ვარაუდობს, რომ ლარი ზამთარში კიდევ უფრო გაუფასურდება.

როგორც მან ჟურნალისტებს განუცხადა, არსებული ხელისუფლების პირობებში ვალუტის გაუფასურება გარდაუვალია.

„გაუაზრებელმა ფინანსურმა და ეკონომიკურმა პოლიტიკამ მიგვიყვანა იქამდე, სადამდეც მივედით. "ქართულ ოცნებაში" არ არსებობს არცერთი კომპეტენტური ადამიანი, ვინც ხელს შეუწყობს, რომ ლარის კურსი დასტაბილურდეს. თუკი გადავხედავთ განვლილ 7 წელიწადს, ამ ხელისუფლების პირობებშიც კი, წელიწადის ამ დროს, ლარი ყოველთვის მყარდებოდა. დღეს ვხედავთ, რომ ამ პერიოდში ლარი ისტორიულ ნიშნულამდე დაეცა. სულაც არაა აუცილებელი, რომ ფინანსისტი იყო იმის სავარაუდოდ, რომ ზამთრის პერიოდში კიდევ უფრო გაუფასურდება ლარი. რა არის გამოსავალი? რა რჩევები უნდა მიიღოს ხელისუფლებამ? არანაირი. მნიშვნელობა არა აქვს: როდესაც ქვეყანაში პრეზიდენტი სალომე ზურაბიშვილია, პრემიერ-მინისტრად ბატონი ბახტაძე გვყავს, როდესაც პარლამენტის თავმჯდომარედ ბატონი კობახიძე გვყავს და ანრი ოხანაშვილი "ქართული ოცნების" წამყვანი პოლიტიკოსია, ლარი გაუფასურდება, აბა რა მოხდება?!“, - განაცხადა ნიკა მელიამ. 

ავტორი: ექსპრესნიუსი,

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს