უკრაინის ქალაქ კიევში ვაჭრობის საკითხებში არაფორმალურ მინისტერიალზე, რომელიც ევროკავშირისა და DCFTA ქვეყნების სამთავრობო დელეგაციების მონაწილეობით ჩატარდა, ევროკავშირის ბაზარზე ქართული კომპანიების წარმატებებსა და გამოწვევებზე ისაუბრეს. მინისტერიალში მონაწილე  საქართველოს დელეგაციას ხელმძღვანელობდა ეკონომიკისა და მდგრადი განვითარების მინისტრი ნათია თურნავა.

ღონისძიების  ერთი სესია საქართველოს, უკრაინისა და მოლდოვის კომპანიის წარმატებული მაგალითების განხილვას მიეძღვნა. საქართველოს მხრიდან სესიაში მონაწილეობდნენ საერთაშორისო სავაჭრო პალატა - საქართველოს (ICC Georgia) პირველი ვიცე-თავმჯდომარე ნიკოლოზ ხუნძაკიშვილი და კომპანია „Georgian Products" - ის დამფუძნებელი დავით ბარდაველიძე.

როგორც აღინიშნა, DCFTA - ის სამივე ქვეყანა წარმატებით ეხმარება საკუთარ კომპანიებს, რათა მათ შეძლონ ევროკავშირის ბაზრებზე პარტნიორების მოძიება და საკუთარი პროდუქციის ექსპორტირება. ამავე დროს, არსებობს საერთო გამოწვევები, რომელთა გადაწყვეტაც გაამარტივებს B2B კავშირების დამყარებას, კომპანიებს გახდის უფრო კონკურენტუნარიანად და მისცემს მათ გაფართოებისა და ექსპორტის დამატებითი ზრდის შესაძლებლობას.

„ქართული კომპანიების გამოცდილება ამ მიმართულებით დადებითია. ჩვენ 2014 წლიდან ვართ ევროკავშირთან თავისუფალი ვაჭრობის შეთანხმების მხარე და სადღეისოდ დაახლოებით 800 კომპანია გადის ევროკავშირის ბაზარზე - ბოლო პერიოდში ასეთი კომპანიების ზრდამ 35 პროცენტი შეადგინა. ეს ტენდენცია კიდევ უფრო გაგრძელდება და ამდენად, საინტერესო იყო მოგვესმინა პრაქტიკული დახმარება, თუ დამატებით რა სახის დახმარება შეიძლება გავუწიოთ ჩვენს კომპანიებს, რათა ისინი უფრო აქტიურად იყვნენ წარმოდგენილი ევროკავშირის ბაზარზე“, - განაცხადა ეკონომიკისა და მდგრადი განვითარების მინისტრმა ნათია თურნავამ.

(NS)

ავტორი: ექსპრესნიუსი,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა