სახელმწიფოს მხრიდან ინვესტორის კომერციული რისკების დაზღვევა სწორი არ იქნება, - ამის შესახებ ფინანსთა მინისტრმა ივანე მაჭავარიანმა ანაკლიის პორტთან დაკავშირებით გამართული შეხვედრის შემდეგ განაცხადა.

მაჭავარიანის თქმით, სახელმწიფო კრედიტორებს ბევრ სხვადასხვა ტიპის რისკს უზღვევს და კომერციული მიმართულებით დათმობაზე ვეღარ წავა.

 „კარგად მინდა გაიმიჯნოს: არსებობს პოლიტიკური რისკები, არსებობს ფორს მაჟორი, გარემოსთან დაკავშირებით რისკები, საკანონმდებლო რისკები, სამომავლოდ შეიძლება ცვლილება მოხდეს -   ყველა ამ ტიპის რისკზე ჩვენ მაქსიმალურად კონსტრუქციულები და ღია ვართ, რომ წავიდეთ მათ დაზღვევაზე და დახმარებაზე. რაც შეეხება საკუთრივ  კომერციულ რისკებს, მათ შორის იყო ყველაზე მთავარი ტვირთების რისკი, ჩვენ მიგვაჩნია, რომ ეს არ არის სწორი.  არსებული  პროგრამა,  რაც სავალუტო ფონდთან შეთანხმებული გვაქვს, არ ითვალისწინებს იმას, რომ სახელმწიფომ დამატებით აიღოს ფინანსური რისკი ამ საკითხში.

ჩვენი ვალდებულება იმაზე, რომ გავიყვანოთ რკინიგზა, საავტომობილო გზა გავიყვანოთ, დავეხმაროთ მიწების გამოსყიდვაში, 100 მილიონი დაფინანსება გამოვყოთ, - ეს ყველაფერი ძალაშია და  ურყევია.  ამას ზემოთ კიდევ ბევრ შემხვედრ ნაბიჯზე წავედით. თუ ამ პროექტის რისკის მნიშვნელოვანი წილის გადმოტანა სახელმწიფოზე მოხდა, მაშინ სადღაა კომერციული კომპონენტი, სადაა კერძო ინიციატივა?!  მაშინ ეს აღმოსავლეთ-დასავლეთის ჩქაროსნული გზის გაკეთებას  უნდა გავუტოლოთ.  ეს აბსოლუტურად სხვა თემაა, მთლიანად ცვლის ფილოსოფიას, რის მიხედვითაც დასაწყისში მოხდა ამ პროექტის ინიცირება. ამიტომ ვიტყვი, რომ ბევრ რამეში დავეხმარებით, თუმცა ძირეულ, ფუნდამენტურ ცვლილებას ჩვენ არ მივესალმებით“, - განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა