კურორტ გოდერძზე 19 საინვესტიციო პროექტი მიმდინარეობს, რომელთა საინვესტიციო ღირებულება 150 მილიონი ლარს შეადგენს. პროექტები 1000 ადამიანის დასაქმებას და კურორტზე დამატებით 1300 განთავსების ადგილის გაჩენას ითვალისწინებს.

გოდერძზე მიმდინარე პროექტებს საქართველოს პრემიერ მინისტრი მამუკა ბახტაძე, აჭარის მთავრობის თავმჯდომარესთან თორნიკე რიჟვაძესთან, აჭარის უმაღლესი საბჭოს თავმჯდომარესთან დავით გაბაიძესთან, აჭარის ფინანსთა და ეკონომიკის მინისტრ ჯაბა ფუტკარაძესთან და მთავრობის წევრებთან ერთად გაეცნო.

კურორტზე ახალი სათხილამურო ტრასის და საბაგირო გზის მოწყობაა დაგეგმილი. ასევე სოფელ თაგოში არსებული საბაგირო გზის რეაბილიტაცია განხორციელდება.

მიმდინარეობს „მწვანე ტბის" განვითარების პროექტი. ტენდერით უკვე შერჩეულია მშენებელი კომპანია, რომელიც მწვანე ტბის კეთილმოწყობას განახორციელებს.

დაწყებულია მაღალმთიანი აჭარის გაზიფიცირების მეორე ეტაპი, რომლის ფარგლებშიც გაზსადენი შუახევიდან გოდერძი-მდე, 54 კმ-ზე გაივლის. პროექტი დამატებით 15 200 აბონენტის გაზიფიცირებას ითვალისწინებს.

მაღალმთიან აჭარაში ტურისტების რაოდენობა, 2017 წელთან შედარებით, 124%-ით არის გაზრდილი. წელს ხულოს ცენტრთან ახლოს მდებარე სოფლების ტურისტული პოტენციალის დეტალური კვლევა და ტურისტული ბილიკების მარკირების პროექტების მომზადება იწყება.

მარკირების პროექტების ფარგლებში ტურისტულად საინტერესო ადგილების ინვენტარიზაცია, ძეგლების, ძველი არქიტექტურისა და ისტორიული ადგილების,  ჩანჩქერების, საპიკნიკე-საკარვე ადგილების, საოჯახო სასტუმრო სახლების შესწავლა, დასურათება და ტურისტულ რუკებზე დატანა მოხდება.

(NS)

ავტორი: ექსპრესნიუსი,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა