2019-05-16 16:18:59, 1509 ნახვა
ეკონომიკა
დაბალბიუჯეტიანი Ryanair ქუთაისის და თბილისის მიმართულებით იფრენს
Ryanair-თან ქართული მხარე ხელშეკრულებას, დიდი ალბათობით, უახლოეს მომავალში გააფორმებს. ირლანდიური დაბალბიუჯეტიანი და ევროპაში ერთ-ერთი ყველაზე პოპულარული ავიაკომპანია ფრენებს ევროპის ქვეყნებიდან ქუთაისისა და თბილისის მიმართულებით შეასრულებს.
აღნიშნულ ინფორმაციას საქართველოს აეროპორტების გაერთიანების დირექტორი გიორგი ჩოგოვაძე ადასტურებს, თუმცა Ryanair -ის შემოსვლის კონკრეტულ ვადებზე ის ჯერჯერობით არ საუბრობს.
“წინასწარ საუბარი არა მიზანშეწონილად მიმაჩნია და ამის დაანონსება ნაადრევია. მიმდინარეობს მოლაპარაკება რომ რამდენიმე რეისით შემოვიდეს. დიდი ალბათობით კომპანია იფრენს როგორც თბილისის, ასევე ქუთაისის აეროპორტების მიმართულებით”, – განაცხადა გიორგი ჩოგოვაძემ.
ავტორი: ექსპრესნიუსი,
epn.ge (@expressnews.ge)
