პოლიტიკური გაერთიანება „გირჩის“ ოფისში საროსკიპო „პიონერი“ გაიხსნა.

როგორც პარტიის წევრები აცხადებენ, ნებისმიერ პირს ექნება შესაძლებლობა, მათ ოფისში სექსმუშაკი მიიყვანოს და სპეციალურად მოწყობილი ოთახი იქირავოს, რომლის ღირებულებაც საათში 49.90 ლარია.

„გირჩის“ ლიდერის, ზურაბ ჯაფარიძის განმარტებით, ეს სამოქალაქო დაუმორჩილებლობის მორიგი აქტია, რადგან პარტიაში მიიჩნევენ, რომ პროსტიტუციისთვის ადგილის გადაცემის გამო ადამიანის სისხლის სამართლის პასუხისგებაში მიცემა, დაუშვებელია.

„ჩვენ მივიჩნევთ, რომ ნებისმიერი საქმიანობა, რომელიც არ გულისხმობს ძალადობას და ეფუძნება ორ ზრდასრულ ადამიანს შორის ნებაყოფლობით შეთამხმებას,  არის პატიოსანი შრომა და პატიოსანი შრომა არის პროსტიტუციაც. დღეს ჩვენ „გირჩის“ ოფისის ერთ ნაწილში, დემონსტრაციულად ვხსნით საროსკიპოს. საროსკიპოს სახელწოდებაა „პიონერი“, მისი სპონსორი არის  სექსშოპი „კიკუ“  და მომსახურება, ანუ ფართის დაქირავება,  ერთი საათის განმავლობაში 49 ლარი და 90 თეთრი ეღირება. ამ სერვისით სარგებლობა ნებისმიერ ადამიანს შეუძლია, რომელსაც სურს ფასიანი სექსუალური მომსახურებით დაკავდეს.  აღნიშნული ქმედებით, ჩვენ ვარღვევთ სისხლის სამართლის კოდექსის 254 -ე მუხლის მესამე ნაწილს, რომელიც ისჯება თავისუფლების აღკვეთით  3-დან 6 წლამდე. ხელისუფლებას აქვს არჩევანი გასაკეთებელი, ან უნდა დაგვაპატიმროს მთელი გირჩი, ან უნდა გაათავისუფლონ ამ მუხლით დაკავებული ყველა პირი და, ზოგადად,  შეწყვიტონ უდანაშაულო ადამიანების დევნა“, - განაცხადა ზურაბ ჯაფარიძემ.

მისივე თქმით, ბოლო დროს პროსტიტუციის ხელშეწყობის ბრალდებით დაკავებული პირები შერჩევითი სამართალის მსხვერპლნი არიან და ხელისუფლება მათ გარკვეული პოლიტიკური თემების გადასაფარად იყენებს.

„საბჭოთა პერიოდიდან მოყოლებული, სექს ინდუსტრიაში დასაქმებულ ადამიანებს სისტემა ადამიანებად არ თვლის, ექცევა მათ როგორც მონებს და, ხშირ შემთხვევაში,  მათ სხვა ადამიანების წინააღმდეგ ინფორმაციის წყაროდ იყენებს. მეტიც, ყველა ხელისუფლება ამ ქვეყანაში, როდესაც მათ  ძალის დემონსტრირება და სხვა პოლიტიკური თემის გადაფარვა დასჭირდათ, სექსინდუსტრიაში დასაქმებული ადამიანების ტერორს ახორციელებდა, რის შედეგადაც კონკრეტული ადამიანები შემოსავლის წყაროს გარეშე რჩებოდნენ.  ჩვენი აზრით, არ არსებობს არანაირი თვისობრივი განსხვავება ამ სასტუმროებსა და ნებისმიერ სხვა სასტუმროს შორის, მათ შორის ქვეყანაში არსებულ ცნობილ ბრენდებს შორის. ყველა ამ სასტუმროში, ხშირ შემთხვევაში,  ადამიანები ფასიანი სექსუალური მომსახურებით სარგებლობენ. შესაბამისად, ცხადია,  სახეზეა შერჩევითი სამართალი. მეტიც, არსებული კანონმდებლობით, ნებისმიერი ბიძა, რომელიც საკუთარ ძმიშვილს დაუფინანსებს სექსუალური მომსახურების მიღებას, ნებისმიერი ახალგაზრდა, რომელიც საკუთარ ძმაკაცს დაუთმობს ბინას, რომ მან ფასიანი სექსით ისარგებლოს, სისხლის სამართლის დამნაშავეა და უნდა წავიდნეს ციხეში“, - განაცხადა ზურაბ ჯაფარიძემ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს