ამერიკის შეერთებული შტატების საელჩომ საქართველოში, შინაგან საქმეთა სამინისტროს საგზაო უსაფრთხოების სოციალურ კამპანიას - #მეტისიცოცხლისთვის მხარდაჭერა გამოუცხადა.

აშშ-ს საელჩომ სოციალურ ქსელ Facebook-ის საკუთარ გვერდზე (https://www.facebook.com/usingeo/) აღნიშნული კამპანიის მხარდამჭერი პოსტი გამოაქვეყნა.

"საგზაო უსაფრთხოების გლობალური კვირეულის ფარგლებში აშშ-ის საელჩო მხარს უჭერს კამპანიას მეტი სიცოცხლისთვის. საქართველოში ყოველწლიურად ავტოსაგზაო შემთხვევების შედეგად 500-მდე ადამიანი იღუპება და 9000-ზე მეტი ზიანდება. დავემორჩილოთ საგზაო უსაფრთხოების წესებს და ერთად შევამციროთ ეს სტატისტიკა," - წერია აშშ-ს საელჩოს გვერდზე.

შინაგან საქმეთა სამინისტროს საგზაო უსაფრთხოების სოციალური კამპანია ერთი თვეა აქტიურად მიმდინარეობს. კამპანია „მეტი სიცოცხლისთვის“ საზოგადოების ცნობიერების ამაღლებას ემსახურება. კამპანიის ფარგლებში, თბილისსა და რეგიონებში, დამტვრეული ავტომობილების დროებითი ინსტალაციები დამონტაჟდა, გამოჩნდა ბანერები და დამზადდა შესაბამისი ვიდეორგოლები. ასევე, შეიქმნა ვებგვერდი formore.life და Facebook გვერდი, სადაც კამპანიის ფარგლებში დაგეგმილი ყველა სიახლეა განთავსებული.

სოციალური კამპანიის მიზანია, რომ თითოეული მოქალაქე კიდევ ერთხელ დაფიქრდეს, თუ რა ტრაგიკული შედეგები მოჰყვება საგზაო მოძრაობის წესების დარღვევას.

(NS)

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე