"თბილისი პრაიდი" შს მინისტრის მოადგილეს ნათია მეზვრიშვილს სიცრუეში ადანაშაულებს, როგორც გავრცელებულ განცხადებაშია ნათქვამი, მეზრვიშვილმა არაზუსტი ინფორმაცია მიაწოდა საზოგადოებას, როცა განაცხადა რომ მოლაპარაკებები მხოლოდ ორშაბათს დაიწყო. მათივე ინფორმაციით, პირველი სამუშაო შეხვედრა "თბილისი პრაიდსა" და შსს-ს შორის ჯერ კიდევ 1 მარტს გაიმართა.

თბილისი პრაიდის განცხადებაში აღნიშნულია რომ: “სახელმწიფო გააკეთებს მაქსიმუმს, რათა ღირსების მარში მშვიდობიანად ჩატარდეს და დაცული იყოს თითოეული გამომსვლელის უსაფრთხოება”, - რაც შსს-ს წარმომადგენლებმა 22 აპრილის შეხვედრაზე ნამდვილად განაცხადეს. იგივე გაიმეორა ნათია მეზვრიშვილმა თავის განცხადებაშიც. 

მითითებულის გათვალისწინებით, გაუგებარია რა ნაწილში “არ შეესაბამება რეალობას” თბილისი პრაიდის მხრიდან გუშინ გავრცელებული ინფორმაცია. განცხადებაში არ ყოფილა საუბარი კონკრეტულ გარანტიებზე. აქცენტი გაკეთდა მხოლოდ იმაზე, რომ საჯარო შეკრების უსაფრთხოება სწორედ სახელმწიფოს პირდაპირი ვალდებულებაა და გვაქვს მოლოდინი, რომ შსს ეფექტურად აღასრულებს მის წინაშე დაკისრებულ პასუხისმგებლობას.

ნათია მეზვრიშვილმა ასევე ისაუბრა პროცესის საჯაროობაზე და თბილისი პრაიდის განცხადება “შეუთანხმებელ” და “დაუფიქრებელ” ნაბიჯად მოიხსენია. აღნიშნულ შეფასებასთან დაკავშირებით კიდევ ერთხელ გვინდა ხაზი გავუსვათ, რომ თბილისი პრაიდი თავს ვალდებულად თვლის სახელმწიფოსთან მიმდინარე მოლაპარაკებებსა თუ შეთანხმებებზე იყოს საჯარო და შესაბამისად პროცესი წარმართოს მაქსიმალურად გამჭვირვალედ. ჩვენ არ გვქვს უფლება ინფორმაციულ ვაკუუმში ვამყოფოთ ქვიარ თემის წევრები და მხარდამჭერები. ვაცნობიერებთ რა არსებულ რისკებს, ჩვენ პასუხისმგებლობად მივიჩნევთ პროცესის საჯაროობას" - ნათქვამია "თბილისი პრაიდის" გავრცელებულ განცხადებაში.

„უსაფრთხოების თვალსაზრისით რისკებს ვხედავთ - გადაჭრით რამეზე საუბარი, სანამ ღონისძიების თარიღი არ მოახლოვდება, პრაქტიკულად შეუძლებელია“, - ამის შესახებ შინაგან საქმეთა მინისტრის მოადგილე ნათია მეზვრიშვილმა ლგბტ პრაიდზე საუბრისას განაცხადა.

მან მხარეებს მოუწოდა, სანამ შინაგან საქმეთა სამინისტროსთან ოფიციალური შეხვედრები და მოსამზადებელი ღონისძიებები არ დასრულებულა და საწყის ფაზაშია, ყოველგვარი განცხადებებისგან თავი შეიკავონ.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით