თბილისში, თურქეთის საელჩოსთან საქართველოში მცხოვრები ეთნიკური სომხები აქციას მართავენ. 

აქცია თურქების მიერ სომხეთა მასორივი მკვლელობის 104 წლისთავს უკავშირდება. აღნიშნულ თარიღთან დაკავშირებით აქციის მონაწილეები თურქეთის საელჩოსთან მივიდნენ, რათა კიდევ ერთხელ მოუწოდონ თურქეთის სახელმწიფოს, რომ გენოციდი აღიაროს.

აქციის მონაწილეებს აცვიათ მაისურები, რომლებზეც აღნიშნულია, რომ ისინი მომხარს არ დაივიწყებენ. ადგილზე დამონტაჟებულია სცენა, საიდანაც ორგანიზატორები აქციის მონაწილეებს სიტყვით მიმართავენ. 

"დღეს აქ შევიკრიბეთ რომ გავიხსენოთ მილიონ ნახევარი ადამიანები, რომლებიც გენოციდის დროს მოკლეს. შევიკრიბეთ იმისათვის, რომ  პატივი მივაგოთ ჩვენს წინაპრებს, რომ გავიხსენოთ 104 წლის წინ მომხდარი ტრაგედია. გაერომ ამ ტრაგედიის გამო სპეციალურად შექმნა ტერმინი - "გენოციდი". მადლობა ყველა იმ ქვეყანას, რომელმაც სომხეთა გენოციდი აღიარა. ყველაფერს გავაკეთებთ, რომ გენოციდი არა თუ სომეხთა, არამედ არც ერთი სხვა ერის წინააღმდეგ არ მოხდეს, მათ შორის ყოველთვის ვიდგები ჩვენი ქართველი ერის გვერდით", - აცხადებენ აქციის მონაწილეები. 

აქციის მონაწილეებს თან აქვთ საქართველოსა და სომხეთის ეროვნული დროშები. თურქეთის საელჩოსთან საპატრულო პოლიციის თანამშრომლები არიან მობილიზებული.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა