პარლამენტის დამოუკიდებელი დეპუტატის ეკა ბესელიას განცხადებით, ვენეციის კომისიის დასკვნა, რომელიც უზენაესი სასამართლოს მოსამართლეების შერჩევის საკითხს ეხება, იმაზე მეტად კრიტიკულია, ვიდრე ამას თვითონ მოელოდა.

ბესელიას თქმით, ყველა დაინტერესებულ პირს შეუძლია დასკვნას გაეცნოს და ნახოვს, რომ პარლამენტის თავმჯდომარის მიერ მომზადებული კანონპროექტი კრიტიკის "ქარცეცხლშია" გატარებული.  

"ვენეციის კომისიის მიერ მომზადებული დასკვნა და რეკომენდაციები უკვე მომზადებული და გასაჯაროებულია, ყველა ის ადამიანი, ვინც ამბობს, რომ დასკვნა არის დადებითი მმართველი პარტიის მიერ წარმოდგენილი პროექტისთვის, ცრუობს ან საკუთარ თავს იტყუებს, დასკვნა საჯაროა და ყველას შეუძლია, ნახოს, არის უმძიმესი, უმკაცრესი, ძალიან კრიტიკული შეფასებები. ის რაც არ არის გაკრიტიკებული, არის მხოლოდ კანონპროექტის სათაური, ყველაფერი დანარჩენი კრიტიკის ქარცეცხლშია გატარებული. დარჩენილია მარტო კანონპროექტის ყდა, სხვა შინაარსობრივი ნაწილი პრინციპების დონეზე არ შეესაბამება იმ სტანდარტებს, რომლებსაც უნდა შეესაბამებოდეს ეს კანონპროექტი", - განაცხადა ეკა ბესელიამ. 

ცნობისთვის, ვენეციის კომისიამ მოსამართლეების შერჩევასთან დაკავშირებით რეკომენდაციები გუშინ გამოაქვეყნდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა