აღმოსავლეთ–დასავლეთის ჩქაროსნული მაგისტრალი შესაძლოა, ფასიანი გახდეს.

ამის შესახებ ფინანსთა მინისტრმა ნოდარ ხადურმა ჟურნალისტებს „ქორთიარდ მარიოტში“ განუცხადა, სადაც აღმოსავლეთ–დასავლეთის ჩქაროსნული მაგისტრალის დერეფნის გაუმჯობესების პროგრამის განხილვის მიზნით, საქართველოს მთავრობისა და დონორთა შეხვედრა მიმდინარეობს.

მინისტრის თქმით, მაგისტრალი ფასიანი იმ შემთხვევაში გახდება, თუ ალტერნატიული გზები იქნება.

„ეს გზა მნიშვნელოვნად შეამოკლებს მანძილს ხაშურსა და ზესტაფონს შორის. განიხილება ასევე სხვა ვარიანტი, რომ გზა შეიძება იყოს ფასიანი, მხოლოდ იმ შემთხვევაში, თუ ალტერნატიული გზები იქნება. წინააღმდეგ შემთხვევაში ეს ვარიანტი არ განიხილება. ამ საკითხზე დღეს ვისაუბრებთ. დაახლოებით,მილიარდი-მილიარდ ასი მილიონი დოლარის ინვესტიცია იქნება საჭირო იმისთვის, რომ უახლოეს ხანში საქართველოს აღმოსავლეთ და დასავლეთ ნაწილი ერთმანეთს ჩქაროსნული ავტომაგისტრალით შეუერთდეს“, – აღნიშნა ხადურმა.

ამასთან, როგორც რეგიონული განვითრებისა და ინფრატსრუქტურის მინისტრმა ნოდარ ჯავახიშვილმა განაცხადა, დღევდანდელი შეხვედრის დასრულების შემდეგ, მსოფლიო ბანკის წარმომადგენელი ჰენრი კერალი დაადასტურებს, რამდენად მომგებიანი იქნება ამ ავტომაგისტრალში ინვესტიციის ჩადება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება