ეკონომიკისა და მდგრადი განვითარების მინისტრის მოადგილე ლაშა მიქავა საინფორმაციო საზოგადოების მსოფლიო სამიტის ყოველწლიურ ფორუმში WSIS Forum-2019 მონაწილეობს. ფორუმი შვეიცარიის ქალაქ ჟენევაში ტელეკომუნიკაციების საერთაშორისო კავშირის (ITU) თანაორგანიზებით და გაერო-ის იმ ორგანიზაციების ჩართულობით მიმდინარეობს,  რომლებიც მუშაობენ WSIS-ის სამოქმედო გეგმის განხორციელებაზე, როგორიცაა: UNESCO, UNCTAD, UNDP და სხვ.

ფორუმის განსახილველ თემატიკას წარმოადგენს გაერო-ს მდგრადი განვითარების მიზნების მიღწევა საინფორმაციო-სატელეკომუნიკაციო ტექნოლოგიების გამოყენებით 2030 წლამდე პერიოდში. აღნიშნულ ღონისძიებაში 193 ქვეყნის ტელეკომუნიკაციების ადმინისტრაციებისა და საერთაშორისო ორგანიზაციების წარმომადგენლები მონაწილეობენ.

ფორუმის პანელზე „ციფრული უთანასწორობის აღმოფხვრა" სიტყვით გამოსვლისას ეკონომიკისა და მდგრადი განვითარების მინისტრის მოადგილე ლაშა მიქავამ ისაუბრა საქართველოში არსებულ ვითარებაზე ფართოზოლოვანი ინფრასტრუქტურის განვითარების მიმართულებით და იმ ნაბიჯებზე, რომელსაც საქართველო დგამს ადგილობრივი მოსახლეობის ინტერნეტთან წვდომის მაქსიმალურად უზრუნველსაყოფად და ქალაქსა და სოფელს შორის არსებული ციფრული უთანასწორობის აღმოფხვრის მიმართულებით.

ფორუმის ფარგლებში ლაშა მიქავამ ორმხრივი შეხვედრები გამართა  ITU-ს განვითარების ბიუროს ხელმძღვანელთან და ბულგარეთის, რუმინეთის, ირანის, სომხეთის ტელეკომუნიკაციების მინისტრებთან. შეხვედრის ძირითადი თემა შეეხებოდა სატელეკომუნიკაციო ჰაბის ფორმირებასა და ამ მიმართულებით მხარეთა თანამშრომლობას, ამასთან ციფრული უთანასწორობის აღმოფხვრის მიზნით მხარეთა გამოცდილების გაზიარებას და ციფრული ეკონომიკის მიმართულებით განვითარების სამომავლო გეგმებს.

10 აპრილს დაგეგმილია საქართველოს ეკონომიკისა და მდგრადი განვითარების მინისტრის მოადგილის ლაშა მიქავას შეხვედრა ITU-ს გენერალურ მდივანთან და google-ს წარმომადგენლებთან.

საინფორმაციო საზოგადოების მსოფლიო სამიტის ყოველწლიურ ფორუმი WSIS Forum-2019 12 აპრილს დასრულდება.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია