2015-01-22 14:48:54, 2917 ნახვა
მსოფლიო
იენს სტოლტენბერგი: აღმოსავლეთ უკრაინაში რუსეთის შეიარაღებული ძალების რაოდენობა გაიზარდა
„ნატო-ს სადაზვერვო სამსახურმა დააფიქსირა, რომ აღმოსავლეთ უკრაინაში რუსეთის შეიარაღებული ძალების რაოდენობა გაიზარდა“,-ამის შესახებ ნატო-ს გენერალურმა მდივანმა იენს სტოლტენბერგმა, ბრუსელში გამართულ ბრიფინგზე განაცხადა.
სტოლტენბერგმა რუსეთს, აღმოსავლეთ უკრაინიდან ჯარების გაყვანისკენ მოუწოდა.
„ნატო-ს სადაზვერვო სამსახურმა დააფიქსირა, რომ უკრაინის ტერიტორიაზე იზრდება რუსეთის მძიმე სამხედრო ტექნიკის რაოდენობა. მხედველობაში მაქვს ისეთი შეიარაღება, როგორიცაა ტანკები, არტილერია, ჯავშანმანქანები და საჰაერო თავდაცვითი სისტემა. ჩვენ მოვუწოდებთ რუსეთს, გაიყვანოს ძალები აღმოსავლეთ რეგიონიდან და პატივი სცეს მინსკის შეთანხმებას“,-განაცხადა იენს სტოლტენბერგმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
