„დღეს ვარ ბედნიერი და გახარებული, რომ ზვიად გამსახურდიას სახლ-მუზეუმის გაკეთების ამბავში ბიძინა ივანიშვილი ჩაერთო“,-  განაცხადა პარლამენტის ვიცე-სპიკერმა ზვიად ძიძიგურმა პირველი არხის თოქშოუში „აქტუალური თემა".

მისი თქმით, ბიძინა ივანიშვილმა, რომელსაც  3 მილიარდიანი ქველმოქმედება აქვს საქართველოში გაწეული, დღეს რა ქველმოქმედებაც გააკეთა,  ძალიან კარგი ჟესტია მთელი საქართველოს გასაგონად, როგორც ზვიადისტისთვის ისე არაზვიადისტისთვის.

 „დღეს ხიბულაში ბიძინა ივანიშვილი იყო ჩასული და თქვა - ჩათვალეთ, ზვიადი გიკეთებთო, რასაც დაპირდა, მუზეუმის გაკეთებას, ეკლესიის აშენებას , პარკის გაკეთებას, საბავშვო ბაღს და ა.შ. ისევ ზვიადი გიკეთებთო იმ ქვეყნიდან. ძალიან მიხარია, ზვიადისტების მიმართ გაგზავნილი ძალიან კარგი მესიჯია. ბიძინა ივანიშვილმა, რომელსაც  3 მილიარდიანი ქველმოქმედება აქვს საქართველოში გაწეული, გარწმუნებთ,  რომ დღეს რა ქველმოქმედებაც გააკეთა ძალიან კარგი და მაგარი ჟესტია მთელი საქართველოს გასაგონად, ზვიადისტისთვის, არაზვიადისტისთვის.  ვისურვებდი, რომ ძალიან ბევრი ასეთი კეთილი ჟესტი გვენახოს საქართველოში ვისაც ამის გაკეთება შეუძლია" - განაცხადა ზვიად ძიძიგურმა.

პარლამენტის ვიცე-სპიკერმა აქვე გაიხსენა, რომ  ხიბულაში სახლი ზვიადისტებმა 5 000 ლარად გამოისყიდეს. „ეს არ იყო ბიზნესმენების ჯგუფი , ფული იდეურმა ზვიადისტებმა შეაგროვეს და გამოისყიდეს ეს შენობა. მაშინ ამაში კონსერვატორებმაც მივიღეთ მონაწილეობა“, - განაცხადა ზვიად ძიძიგურმა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს

რიყის დოქების დემონტაჟი დაიწყეს, მუშები ქართულად ვერ საუბრობენ, ტელევიზიების ჯგუფებზე ძალადობენ

სააკაშვილი- საქართველოში მობრუნდა სამი მეგობარი: კრიმინალი, უშუქობა და უწყლობა. მთავარია მიშა არ მობრუნდეს

თიბისი კონცეპტმა ინოლა გურგულიას შემოქმედებას ახალი სიცოცხლე შესძინა