პარლამენტის წევრის, ეკა ბესელიას განცხადებით,  ფრაქცია „ქართული ოცნების“ თავმჯდომარემ მამუკა მდინარაძემ ეკა ბესელიასთან დაკავშირებით მმართველ გუნდში შემუშავებული მესიჯბოქსი შეცდომით თავად ბესელიას გაუგზავნა.

როგორც ტელეკომპანია „რუსთავი 2“-ს ბესელიამ განუცხადა, გზავნილში პუნქტებად იყო გაწერილი შეფასებები ეკა ბესელიას დღევანდელ განცხადებაზე.

ასევე, დეპუტატი კონკრეტული გზავნილის გასაჯაროებისგან თავს იკავებს, რასაც პერსონალურ მონაცემთა დაცვით ხსნის.

„გავხსენი. მე მიგზავნით-თქო ჩემზე, რომ გავახმოვანო-თქო? ასე იწყებოდა: ეკა ბესელია ხომ იცით, ვინ არის, მერე, ის, რაც თქვა კობახიძემ. პირველი - ხელი უნდა გავუწოდოთ, მეორე - ოხანაშვილმა რაც თქვა, პოლიტსაბჭოდან გამოიყვანეს, მესამე - რაც ვოლსკიმ თქვა. აბზაცებად იყო. ჩემს  WhatsApp-ში გამოაგზავნა. რომ წავიკითხე, მივხვდი, რომ ჩემთან შეცდომით გამოაგზავნა. ჩემთან დაკავშირებით შემუშავდა მესიჯი, დამწკრივდნენ ეს უმწიფარი ბიჭები და დილიდან აკეთებენ ამ სამარცხვინო კომენტარებს“, - განაცხადა ეკა ბესელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს

რიყის დოქების დემონტაჟი დაიწყეს, მუშები ქართულად ვერ საუბრობენ, ტელევიზიების ჯგუფებზე ძალადობენ

სააკაშვილი- საქართველოში მობრუნდა სამი მეგობარი: კრიმინალი, უშუქობა და უწყლობა. მთავარია მიშა არ მობრუნდეს

თიბისი კონცეპტმა ინოლა გურგულიას შემოქმედებას ახალი სიცოცხლე შესძინა