ფრაქცია "ქართული ოცნება - სოციალ დემოკრატები" დაიშალა. 

პარლამენტის ბიურომ დღეს ცნობად მიიღო ფრაქციის 3 წევრის, გია ჟორჟოლიანის, მირიან წიკლაურის და კობა ნარჩემაშვილის გადაწყვეტილება ფრაქციიდან გასვლის შესახებ. გარდა ამისა, ფრაქციის კიდევ ორი წევრი,  სულხან მახათაძე და რომან მუჩიაშვილი ფრაქცია "ქართულ ოცნებაში" გადავიდნენ. 

აღსანიშნავია, რომ საპარლამენტო უმრავლესობის ყოფილმა წევრმა დავით ჭიჭინაძემ დღეს ფრაქცია "საქართველოს პატრიოტები" დატოვა და ის დამოუკიდებელი დეპუტატი იქნება. ამასთან, ფრაქციამ შეიცვალა სახელი და "პატრიოტთა ალიანსი – სოციალ-დემოკრატების“ სახელით გააგრძელებს მოღვაწეობას. აღნიშნულ ფრაქციას გია ჟორჟოლიანი და მირიან წიკლაური შეურთდნენ. 

ცნობისთვის, ქუთაისის მაჟორიტარმა დეპუტატმა კობა ნარჩემაშვილმა საპარლამენტო უმრავლესობა დღეს დატოვა. ის ფრაქცია "ქართული ოცნება-სოციალ დემოკრატების" წევრი იყო. 

ნარჩევამაშვილის თქმით, ის ჯერჯერობით არ აპირებს არც ერთ ძალასთან გაერთიანებას და საქმიანობას დამოუკიდებელი დეპუტატის რანგში გააგრძელებს.

ავტორი: ,

სოციალური ქსელები

Wall Street Journal: ბაჰრეინმა და ქუვეითმა ირანზე ფარულად დარტყმები განახორციელეს

უცნობი იუმორისტზე თავდამსხმელის გათავისუფლებაზე - ცემა ძალადობა არის, მაგრამ კონკრეტულ შემთხვევაში არ არის

რეჟიმის სასამართლომ ონისე ოქრიაშვილზე თავდამსხმელი გაათავისუფლა

ზელენსკიმ უკრაინაში 10 000 კმ-მდე მოქმედების რადიუსის მქონე დრონების შესახებ განაცხადა