„საქართველოს რკინიგზის“ დელეგაციამ ევროპის სარკინიგზო გაერთიანის ასამბლეაში მიიღო მონაწილეობა

2019-03-05 12:41:23, 1993 ნახვა

ეკონომიკა

საქართველოს რკინიგზის გენერალურმა დირექტორმა დავით ფერაძემ და კორპორატიული მართვის დეპარტამენტის უფროსმა ნინო ჯორბენაძემ ქალაქ ბრიუსელში გამართულ ევროპის სარკინიგზო დაჯილდოვების ცერემონიასა და ევროპის სარკინიგზო გაერთიანის რიგით 63-ე გენერალურ ასამბლეაში მიიღეს მონაწილეობა.

ასამბლეაზე განხილეს სარკინიგზო სექტორთან დაკავშირებული საკითხები, რომლებიც ხელს შეუწყობს სარკინიგზო ტრანსპორტის განვითარებას ევროკავშირის პოლიტიკის დონეზე და სატრანსპორტო დერეფნების განვითარებას. ისაუბრეს პარტნიორ სახელმწიფოებთან, მათ შორის საქართველოსთან, შემდგომი თანამშრომლობის გაღრმავებასა და სამომავლო ურთიერთობებზე.

შეხვედრები გაიმართა ევროპის მობილობისა და ტრანსპორტის გენერალური დირექტორატის (DG Move) ხელმძღვანელ ჰენრიკ ჰოლოლაისთან, ევროპის სარკინიგზო გაერთიანების (CER) აღმასრულებელ დირექტორ ლიბორ ლოხმანთან და დოიჩე ბანის (DB) გენერალურ დირექტორ რიჩარდ ლუცისთან. შეხვედრებზე მხარეებმა ერთმანეთს სამომავლო თანამშრომლობის პრინციპები და ხედვები გაუზიარეს.

(R)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები