საპარლამენტო უმრავლესობის წევრი გედევან ფოფხაძე დეპუტატ ეკა ბესელიას მიერ „ქართული ოცნების“ დატოვებას გამოეხმაურა.

როგორც ფოფხაძემ ჟურნალისტებს განუცხადა, ბესელიას წასვლა მმართველი გუნდისთვის დამაფიქრებელი უნდა იყოს.

„კიდევ ერთხელ ვადასტურებ, რომ ვარ ეკა ბესელიას მეგობარი. ჩვენ ბევრი რამე გვაქვს ერთად გამოვლილი და მიმაჩნია, რომ მისი გადაწყვეტილება "ქართული ოცნებისთვის" უნდა იყოს ძალიან დამაფიქრებელი. ეს არის ნიშანი იმისა, რომ "ქართული ოცნება" დაშორდა ღირებულებებს“, - აღნიშნა ფოფხაძემ. 

რაც შეეხება კითხვას, აპირებს თუ არა თავად მმართველი გუნდის დატოვებას, ფოფხაძემ აღნიშნა, რომ ამ საკითხზე რამდენიმე დღეში ისაუბრებს.

„მინდა, მშვიდ, წყნარ ატმოსფეროში გავაკეთო განსაკუთრებული, გააზრებული და არგუმენტირებული ბრიფინგი, სადაც მომეცემა საშუალება,  სრულად გავშალო ის თემები, რაც ბოლო პერიოდში და ცოტა უფრო  ადრე ხდებოდა“, - განაცხადა გედევან ფოფხაძემ.

ავტორი: ,

სოციალური ქსელები

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება