თურქეთის ელჩი თბილისისთვის ფინანსურ დახმარებას აუცილებლად მიიჩნევს

2015-06-18 12:51:55, 562 ნახვა

საზოგადოება

თურქეთის ელჩის, ზექი ლევენთ გუმრუქჩუს განცხადებით, თბილისისთვის ფინანსური დახმარება და ტექნიკით უზრუნველყოფა აუცილებელია.

ამის შესახებ ელჩმა სვანიძის ქუჩაზე ჟურნალისტებს განუცხადა, სადაც სტამბოლიდან ჩამოსულ დელეგაციასთან და თბილისის მერთან ერთად იმყოფებოდა.

„მას შემდეგ რაც გავიგე ეს შემთხვევა, მე მოვიწვიე თურქი ბიზნესმენები და ერთად დავიწყეთ ფიქრი იმაზე, თუ რითი შეიძლება დაგხმარებოდით. ასევე დავუკავშირდი სტამბოლს და მოვიწვიე მათი წარმომადგენელი, რათა მათ პირადად ნახონ აქ არსებული მდგომარეობა, შეაფასონ რა სახის დახმარება შეიძლება გაკეთდეს. რა თქმა უნდა აუცილებელია ფინანსური დახმარება და ტექნიკით უზრუნველყოფა. აქ, როგორც ხედავთ, სპეციფიური ტექნიკაა გამოსაყენებელი“, - განაცხადა თურქეთის ელჩმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან